«Барселона» ёзда Мессини ортга қайтармоқчи ва бу масалага жиддий киришади
«Барселона» Лионель Мессини ортга қайтариш учун билан муносабатларни яхшилашга киришди.
Mundo Deportivo’нинг хабар қилишича, каталон клуби вазиятни таҳлил қилмоқда ва Месси билан алоқаларни тиклаш учун ҳаракатни бошлаган.
«Барселона»нинг асосий мақсади 2023 йилнинг ёзида «ПСЖ» билан шартномаси тугайдиган аргентиналикни жамоага қайтариш. Унинг қайтиши шарафига «Камп Ноу»да катта маросим ташкил этилиши мумкин. Шунингдек, клуб унга элчилик лавозимини таклиф қилмоқчи.
«Барселона» Мессини қайтариш учун кўп жабҳада иш қилишига тўғри келади. Леони кўндиришдан ташқари, унинг маошини ведомостга сиғдириш, бундан ташқари Месси Хавининг янги тактикасига тушиш тушмаслигини таҳлил қилиш лозим бўлади. Қайд этилишича, Хави ўз жамоасида Лионелни кўришдан хурсанд бўлади.
Каталонлар 35 ёшли футболчи қайтишга рози бўлишига ишонмоқда. Футболчининг ўзи ҳозир бу масалани муҳокама қилишни истамаяпти, унинг бор эътибори ЖЧ—2022 га қаратилган.
Месси жорий мавсум «ПСЖ» сафида 11 та ўйин ўтказиб, 6 гол ва 8 голли узатма муаллифига айланди.
