Профессионал бокс бўйича бешта вазн тоифасида собиқ жаҳон чемпиони Флойд Мейвезер Япониянинг Саитама шаҳрида MMA жангчиси Микура Асакурага қарши кўргазмали жангда иштирок этди.
Жанг бокс қоидалари бўйича бўлиб ўтди. Биринчи раунд ўртача темпда ўтди ва ҳар икки спортчи рақиб томон зарба йўллашга муваффақ бўлди.
Иккинчи уч дақиқаликда фоллик ошди, раундининг сўнгги сонияларида Мейвезер рақибини нокдаун ҳолатига туширди. Асакура оёққа туришга қийналди ва ҳакам техник нокаутни қайд этди.
Аввалроқ америкалик боксчи ушбу шоу орқали 20 миллион доллар ишлаб олиши ҳақида хабар қилинганди.
Изоҳ (0)