Норвегия терма жамоаси ҳужумчиси Эрлинг Ҳоланд Миллатлар Лигаси доирасида кечган Словенияга қарши ўйинда (1:2) жамоасининг ягона голига муаллиф бўлди.
Норвегиялик ҳужумчи «Манчестер Сити» ва терма жамоа сафида кетма-кет етти ўйинда гол урди. Бу учрашувларда Ҳоланд 12 бор рақиб дарвозасини ишғол қилган.
Ҳоланд Миллатлар Лигасида жамоасининг барча 7 та голида ҳам қатнашди — 6 та гол, 1 голли узатма.
22 ёшли футболчи Норвегия терма жамоаси сафида 22 та ўйин ўтказиб, 21 та гол уришга муваффақ бўлди.
Изоҳ (0)