Шайх Моза: Араб аёллари ҳақидаги барча стереотипларни ўзгартириб юборган аёл ҳақида нималарни биламиз? (фото)

Яқинда Араб дунёсида «кучли ва мустақил» аёллар учун мода пайдо бўлди. Унга кўра, ёш хонимлар паранжисини ечиб, замонавий кийиниб, бошқарувни ўз қўлларига олмоқда. Бундай қатъий ва жасур аёлларнинг бири — сиёсий ва жамоат арбоби Шайх Мозадир, деб ёзади Wday.

Унинг ҳаёти ҳақидаги ҳикоя яхши сериал сюжети билан таққосланади. Қатарнинг учинчи амири Шайх Ҳамад Бен Халифа Ал-Танийнинг уч хотинидан иккинчиси, етти фарзанднинг намунали онаси ва шу билан бирга нафақат араб аёллари, балки бутун сайёра учун услуб тимсоли ҳисобланади.

Ўқиш — биринчи масала, сўнгра турмуш

Қизнинг ҳаётидаги ҳамма нарса худди Золушканикидек бошланди. 18 ёшида у бўлажак Шаҳзода билан учрашди. Аммо у турмушга чиқишга шошилмади. У биринчи бўлиб Қатар университетида психология факультетини тамомлаган, сўнгра Американинг нуфузли университетларида бир қатор амалиёт ўтаган. Моза ҳар жиҳатдан кучли маълумотга эга бўлгандан кейингина, энди турмуш қуриш мумкин деб ўйлади.

Бўрондан олдин оилавий тинчлик

Шайх Моза турмуш қургандан кейин дастлаб яхши тарбияланган араб аёлларига хос тарзда уйда ўтирди, куни том тайёрлаш ва болаларни тарбиялаш билан ўтди. Аммо 1995 йилда унинг эри мамлакатда ҳокимиятни зўрлик билан эгаллаб, отасини тахтдан ағдарганидан сўнг Моза учун вазият тубдан ўзгарди.

Тўнтаришдан кейин англо-саксон дунёсининг пойдеворлари остин-устун бўлиб кетди, улар нефть ва газ туфайли Қатар ҳақида гапира бошлади. Айни пайтда, ташаббускор эр энди ўқимишли ва дунёқараши кенг иккинчи рафиқасини дунё жамоатчилигига намойиш этиш мумкин деган қарорга келди.

Моза даври

Шу пайтдан бошлаб Моза ҳеч нарсадан бош тортмади, у ижтимоий ва сиёсий фаолият билан фаол шуғулланиб, мардонавор лойиҳаларни амалга оширди ва гардеробини мунтазам равишда сўнгги дизайндаги янгиликлари билан тўлдирди.

Араблардан фақат тюрбан

Мусулмонларнинг қатъий тақиқлари ва араб аёлининг маълум бир тарзда кийиниши кераклиги ҳақидаги буйруқларига (қора либос, юз ниқоби) қарамай, Моза ўзини кийимларига чеклов ўрнатмади. Мажбурий буйруқлардан — фақат тюрбан кияди, қолган ҳар бир образи қатъий равишда ўзига хосдир. Эҳтимол, Шайх Моза дунёдаги барча аёллар орасида энг катта тюрбан тўпламига эга хоним бўлиши мумкин.

Сиёсатда Моза услуб билан бир хил ёндашувга амал қилади — инновацион ва бироз агрессив. Бунинг учун кўпчилик, юмшоқ қилиб айтганда, уни ёқтирмайди, лекин бу, албатта, узоқни кўра оладиган ва дипломатик Араб аёлини тўхтата олмайди. Тўсиқларга қарамай, нафақат ўзининг, балки бошқа соҳада ҳам аёл улкан ютуқларга эришди. Мода оламига қўшган ҳиссаси маълум. Сиёсий ҳаётда ҳам Моза газ бозорининг ривожланишига сезиларли таъсир кўрсатди. Вақти-вақти билан Қатар глобал газ бозорининг муҳим қисмини эгаллаб олишга уринишда айбланмоқда.

Ижтимоий фаолиятга келсак, Моза Қатарнинг таълим, фан ва жамиятни ривожлантириш жамғармасини бошқаради ва бундан ташқари, оила масалалари бўйича олий кенгаш президенти, таълим бўйича олий кенгаш вице-президенти ва ЮНЕСКОнинг махсус посбони ҳисобланади.

Аммо бу фаол Шайх учун етарли бўлмади, у ўзининг араб демократик жамғармасини яратди. Унинг асосий вазифаси эркин оммавий ахборот воситалари ва фуқаролик жамиятининг ривожланишига кўмаклашишдир. Шайх Моза муҳим аҳамиятга эга ишларидан ортиб, 7  фарзанди учун ҳам вақт топади. Барчасига қандай улгуриш эса унинг шарқ аёлларга хос сиридир.