Кўпгина юлдузлар соғлом турмуш тарзини олиб боради ва ҳамиша ажойиб кўриниш учун турли машғулотларга қатнайди, аммо улардан фақат бир нечтасигина спортга чинакам иштиёқлидир. Grazia нашри ҳаёти давомида мунтазам равишда спорт билан шуғулланиб келаётган машҳур аёллар кетма-кетлигини тақдим этди.
Женнифер Лопес
53 ёшли Женнифер Лопес энг машҳур спортчи юлдуздир. У кўплаб аёлларни спорт билан шуғулланишга ундайди. Бунинг ажабланарли жойи йўқ, қўшиқчининг қиёфасига қойил қолмаслик мумкин эмас.
Максимал натижаларга эришиш учун у кардио, куч машқлари, интервалли машғулотлар ва рақс билан шуғулланади. Лопез озғин бўлиш тарафдори эмас, у вазн йўқотишдан кўра кўпроқ мушакларига ишлов беради.
Унинг ратционида жуда кўп оқсилли маҳсулотлар мавжуд, аммо қаҳва ва спиртли ичимликлар йўқ. Баъзида Женни мушакларнинг енгиллигига эришиш керак бўлганда кам углеводли парҳезни бошлайди ва асосан ёғсиз гўшт ва яшил сабзавотларни истеъмол қилади.
Холли Берри
56 ёшли Холли Берри яна бир иштиёқли спорт мухлисасидир. Актриса узоқ вақтдан бери боксни яхши кўради, ҳозир у билан шуғулланади. Бироқ Холли битта спорт билан чекланиб қолмайди ва бошқа нарсалар қаторида югуради, ёга билан шуғулланади ва юқори интенсивликдаги кардио машқларини бажаради.
Актриса интервал билан овқатланиш ва кето парҳезига риоя қилади, ёғли овқатларни афзал кўради. Шунингдек, камдан-кам ҳолларда мазали таомлар билан парҳезни бузади: сендвич ва макарон маҳсулотларини деярли истеъмол қилмайди. Аммо ширинлик ва тортлардан фақатгина байрамларда тановул қилади.
Женнифер Энистон
Женнифер Энистоннинг қиёфаси кўп йиллар давомида умуман ўзгармайди. 53 ёшли актриса худди 30 йил аввалгидек нозик ва нафосатли. Актриса фаол ҳаёт тарзи билан шуғулланади ва кўп йиллар давомида соғлом одатларга қатъий амал қилади. Куннинг биринчи қисмида Энистон спорт залига боради, у ерда шахсий мураббий билан шуғулланади: у куч машқларини бажаради, югуради ва ёга билан шуғулланади. Женнифер фақат клетчатка ва оқсилга бой фойдали маҳсулотлар истеъмол қилади.
Элза Патаки
Крис Хемсвортнинг рафиқаси Элза Патаки спортчи ва нозик қомати билан фахрланиши мумкин. Элза, турмуш ўртоғи иккиси спорт билан шуғулланади ва у ҳаётини спортсиз тасаввур қила олмайди.
Патаки ёшлигидан спорт билан шуғулланган. Кўринишидан, у узоқ вақт давомида ўзининг идеал қоматини бугунги кунгача мукаммалликка етказишда давом этмоқда. Элза боксини яхши кўради. Шунингдек, тўғри овқатланишга ҳаракат қилади, лекин баъзида ширинликларга устунлик беради. Асосийси, ҳамма нарсада меъёрни унутмайди.
Виктория Бекҳэм
Виктория Бекҳэм кўпинча ўта нозиклиги тугайли анорексияни тарғиб қилишда айбланади. Бироқ 48 ёшли дизайнер аслида спорт билан жуда кўп шуғулланади, бу унинг қоматини бир хилда сақлайди. Виктория кардио машғулотларига эътибор қаратади. Рационига сабзавот ва балиқни киритган, аммо сут маҳсулотларини умуман истеъмол қилмайди.
Пинк
Хонанда Пинк ўз чиқишларида акробатиканинг шундай маҳоратини намойиш этадики, уни фақат мунтазам шуғулланадиган спортчиларгина бажара олади. Хонанда деярли ҳар куни спорт билан шуғулланади. У ёга ва куч машқларини бажаради. Қўшиқчи ўсимлик маҳсулотларини афзал кўради, баъзида гўшт истеъмол қилади. Агар у зарарли нарсаларни, масалан, ширинлик ёки фастфуд истеъмол қилишни хоҳласа, албатта, уларни ҳам тановул қилади.
Изабел Гулар
Изабел Гулар кўплаб моделлардан ўзининг атлетик қомати билан ажралиб туради. У ақлдан озар даражада спортнинг мухлисаси ва ҳатто таътилда ҳам кунни машғулот билан бошлайди. Бу югуриш, теннис, кикбоксинг ёки Пилатес бўлиши мумкин. Модель спортнинг фақат тўғри овқатланиш билан биргаликда самара беришига ишонч ҳосил қилган, шунинг учун у зарарли овқатлардан ўзини тияди.
Никол Шерзингер
Никол Шерзингернинг машқлари хилма-хилдир. У деярли спортнинг барча турли билан шуғулланади. Бунга ишониш қийин, лекин кўп йиллар олдин Никол овқатланиш бузилишидан азият чекди. Унинг ҳолати маълум нуқтада жуда оғирлашди. Шундан сўнг у рационига иложи борича соғлом маҳсулотларни киритишга ҳаракат қилди. Никол шакар ва кофеинни деярли қабул қилмайди. Бироқ баъзида ширинликларга устунлик беради, албатта, меъёрни унутмаган ҳолда.
Изоҳ (0)