Бугун,

  • USD 11014.01
  • RUB 191.8
  • EUR 10674.78

Қирғизистон ва Тожикистон ўт очишни тўхтатишга келишиб олди. Аммо Қирғизистон томонининг даъво қилишича, Тожикистон ўққа тутишда давом этмоқда. Давлатлар вакиллари чегарадаги вазият кескинлашгани муносабати билан учрашув ўтказмоқчи. Қирғизистон Ташқи ишлар вазирлиги Тожикистонга норозилик нотасини топширган.

Фото: AP Photo

Фото: AP Photo
Музокаралар давомида Қирғизистон ва Тожикистон чегара бўлимлари раҳбарлари учрашув ўтказиш учун соат 10:00 дан (Тошкент вақти билан 9:00) бошлаб ўт очишни тўхтатишга келишиб олган эди. Бироқ тожик томони қирғиз позицияларини ўққа тутишда давом этмоқда», — дея хабар берди Қирғизистон Чегара хизмати.
Душанбе эса қирғизистонлик ҳарбийларни Тожикистон ҳудудини ўққа тутганликда айбламоқда, деб ёзади Asia-Plus мамлакат Миллий хавфсизлик давлат қўмитаси чегара хизматига таяниб.

Қирғизистон Ташқи ишлар вазирлиги чегарадаги отишма муносабати билан Тожикистонга норозилик нотасини топширган.

Қирғизистон томони Тожикистондан эришилган барча келишувларга қатъий риоя қилишни, ўт очишни тўхтатиш ва ҳарбий қисмларни олиб чиқишни, шунингдек, чегара ҳудудларида вазиятнинг кескинлашувига олиб келадиган вазият яратмасликни талаб қилди», — дейилади ТИВ баёнотида.
Вазирлик, шунингдек, Қирғизистон ва Тожикистон ташқи ишлар вазирлари Жеенбек Қулубоев ва Сирожиддин Мухриддин ўртасида мамлакатлар чегарасидаги вазият юзасидан телефон орқали мулоқот ўтказилгани ҳақида хабар берди.

Тожикистон ва Қирғизистон чегарасида вазият 14 сентябрда кескинлашган. Отишма оқибатида икки тожик аскари ҳалок бўлган, Қирғизистон эса 11 нафар ҳарбийси яраланганини хабар қилди. Шундан сўнг чегара ҳудудлари маъмурлари қўшинларни доимий жойлаштириш жойларига олиб чиқиш тўғрисида келишиб олди. 16 сентябрь куни эрталаб Қирғизистон Тожикистон томондан ўт очилаётгани ҳақида хабар берди.

Изоҳ
Асосий янгиликлар