Qirg‘iziston va Tojikiston o‘t ochishni to‘xtatishga kelishib oldi. Ammo Qirg‘iziston tomonining da’vo qilishicha, Tojikiston o‘qqa tutishda davom etmoqda. Davlatlar vakillari chegaradagi vaziyat keskinlashgani munosabati bilan uchrashuv o‘tkazmoqchi. Qirg‘iziston Tashqi ishlar vazirligi Tojikistonga norozilik notasini topshirgan.
Muzokaralar davomida Qirg‘iziston va Tojikiston chegara bo‘limlari rahbarlari uchrashuv o‘tkazish uchun soat 10:00 dan (Toshkent vaqti bilan 9:00) boshlab o‘t ochishni to‘xtatishga kelishib olgan edi. Biroq tojik tomoni qirg‘iz pozitsiyalarini o‘qqa tutishda davom etmoqda”, — deya xabar berdi Qirg‘iziston Chegara xizmati.Dushanbe esa qirg‘izistonlik harbiylarni Tojikiston hududini o‘qqa tutganlikda ayblamoqda, deb yozadi Asia-Plus mamlakat Milliy xavfsizlik davlat qo‘mitasi chegara xizmatiga tayanib.
Qirg‘iziston Tashqi ishlar vazirligi chegaradagi otishma munosabati bilan Tojikistonga norozilik notasini topshirgan.
Qirg‘iziston tomoni Tojikistondan erishilgan barcha kelishuvlarga qat’iy rioya qilishni, o‘t ochishni to‘xtatish va harbiy qismlarni olib chiqishni, shuningdek, chegara hududlarida vaziyatning keskinlashuviga olib keladigan vaziyat yaratmaslikni talab qildi”, — deyiladi TIV bayonotida.Vazirlik, shuningdek, Qirg‘iziston va Tojikiston tashqi ishlar vazirlari Jeenbek Quluboyev va Sirojiddin Muxriddin o‘rtasida mamlakatlar chegarasidagi vaziyat yuzasidan telefon orqali muloqot o‘tkazilgani haqida xabar berdi.
Tojikiston va Qirg‘iziston chegarasida vaziyat 14-sentabrda keskinlashgan. Otishma oqibatida ikki tojik askari halok bo‘lgan, Qirg‘iziston esa 11 nafar harbiysi yaralanganini xabar qildi. Shundan so‘ng chegara hududlari ma’murlari qo‘shinlarni doimiy joylashtirish joylariga olib chiqish to‘g‘risida kelishib oldi. 16-sentabr kuni ertalab Qirg‘iziston Tojikiston tomondan o‘t ochilayotgani haqida xabar berdi.
Izoh (0)