Бугун,

  • USD 11014.01
  • RUB 191.8
  • EUR 10674.78

Афғонистон шимолига ИШИД террор ташкилотининг 400 нафар жангариси жойлаштирилган. Бу ҳақда 15 сентябрь куни бўлиб ўтган брифингда Коллектив хавфсизлик шартномаси ташкилоти (КХШТ) бирлашган штаби раҳбари генерал-полковник Анатолий Сидоров маълум қилди.

Фото: «ТАСС»

Фото: «ТАСС»

Сидоровнинг таъкидлашича, жангарилар Афғонистон шимолидаги Бадғиз, Жузжон, Қундуз, Тахар ва Бадахшон вилоятларига «террорчилик ҳужумларини амалга ошириш ҳамда фуқаро ва ҳарбий объектларга ҳужум қилиш мақсадида» юборилган.

Унинг сўзларига кўра, Афғонистонда юқори даражадаги террорчилик ҳаракатлари сақланиб қолмоқда, 2022 йилда республикада 250 га яқин киши терактлар қурбони бўлган, мингдан ортиқ киши жароҳатланган.

«Шу билан бирга  ‘Толибон’ раҳбариятининг юқори мансабдор шахслари ҳужумларнинг асосий объектига айланди», — дея хулоса қилди штаб раҳбари.

5 сентябрь куни эрталаб Россиянинг Кобулдаги дипломатик миссияси консуллик бўлимига кириш дарвозаси яқинида портлаш юз берганди. Ҳодиса оқибатида Россия элчихонасининг икки ходими — қўриқчи ва дипломат ҳалок бўлган. Al Jazeera телеканали Афғонистон хавфсизлик хизматидаги манбасига таяниб хабар беришича, жами саккиз киши ҳалок бўлиб, 15 киши яраланган.

Россия элчихонаси яқинида содир бўлган портлаш учун жавобгарликни ИШИД гуруҳи ўз зиммасига олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.

Изоҳ
Асосий янгиликлар