Россия президенти Владимир Путин 15 сентябрь куни Шанхай ҳамкорлик ташкилоти Давлат раҳбарлари кенгаши мажлисида иштирок этиш учун Самарқанд шаҳрига келди.
Халқаро аэропортда олий мартабали меҳмонни Ўзбекистон бош вазири Абдулла Арипов ва бошқа расмий шахслар кутиб олди.
ШҲТ саммити доирасида 15 сентябрь куни Россия президенти Ўзбекистон президенти Шавкат Мирзиёев билан, шунингдек, Қирғизистон президенти Садир Жапаров, Туркманистон президенти Сердар Бердимуҳамедов, Эрон президенти Иброҳим Раиси, Покистон бош вазири Шаҳбоз Шариф ва Хитой раиси Си Цзиньпин билан учрашади. Шунингдек, Россия—Мўғулистон—Хитой уч томонлама саммитида иштирок этади.
16 сентябрь куни эса Путин Туркия президенти Ражаб Тоййиб Эрдўғон, Ҳиндистон бош вазири Нарендра Моди ва Озарбайжон президенти Илҳом Алиев билан икки томонлама учрашувлар ўтказади.
Мавзуга доир:
- Туркманистон президенти Самарқанд шаҳрига етиб келди
- Эмомали Раҳмон Самарқанд шаҳрига келди (фото)
- Хитой раиси Си Цзиньпин Самарқандга келди (фото)
- Никол Пашинян Арманистондаги вазият туфайли Самарқанддаги ШҲТ саммитида қатнашмайди
- Қирғизистон президенти ШҲТ саммитида иштирок этиш учун Ўзбекистонга етиб келди
- Эрон Ислом Республикаси президенти Сайид Иброҳим Раисий Самарқанд шаҳрига етиб келди
- Мўғулистон президенти Ухнаагийн Хурельсух Самарқандга етиб келди
Изоҳ (0)