Бугун,

  • USD 11014.01
  • RUB 191.8
  • EUR 10674.78

Россиянинг Украинадаги ҳарбий амалиёти фонида юзага келган Европадаги энергетика инқирози туфайли Греция «жуда қаттиқ қиш»га тайёрланиши керак. Бу ҳақда мамлакат бош вазири Кириакос Мицотакис 86-халқаро кўргазма очилишида айтиб ўтди.

Фото: Global Look Press

Фото: Global Look Press

Унинг тушунтиришича, газ нархи ўн баравар кўтарилса, ҳеч бир ҳукумат бундай ўсишни тўхтата олмайди ва бу муқаррар равишда фуқароларга таъсир қилади. Шу билан бирга, Мицотакис Греция қийинчиликларга қарамай, Украинани қўллаб-қувватлашда давом этишини таъкидлади.

Бош вазир аҳолини қўллаб-қувватлаш бўйича режалаштирилган чора-тадбирларни ҳам маълум қилди. Улар орасида аҳолининг ижтимоий ҳимояга муҳтож тоифасидан бўлган 2,3 миллион фуқаро учун декабрь ойида 250 евродан тўлаб бериш бор. Бундан ташқари, нафақалар, пенсиялар кўтарилади, тадбиркорликни рағбатлантириш, энг кам иш ҳақи миқдорини ошириш (2023 йил 1 майдан) ва бошқа чоралар кўрилади.

Европада газ нархи Россияга қарши санкциялар фонида, шунингдек, Россиядан газ етказиб беришнинг сезиларли даражада қисқариши сабаб ошиб бормоқда. Агар бу ўсиш тенденцияси давом этса, қишда ёнилғи нархи, консерватив ҳисоб-китобларга кўра, ҳар 1000 куб метр учун 4000 доллардан ошади.

Изоҳ
Асосий янгиликлар