Ўргимчак, қурбақа, қовун: Машҳур шахслар номи билан аталган 14 та нарса (фото)
Эртакларда қурбақалар шаҳзодага айланади, лекин реал ҳаётда бунинг акси бўлади: маълум бўлишича, шаҳзода Чарльз ҳам ҳайвонот оламида номини қолдирган. Шундай машҳурлар борки, уларнинг номлари астероидлар, автомобиллар, чивинлар ва ўргимчакларга берилган. Баъзан ихтироларнинг номлари айнан шу нарсани ихтиро қилган ёки кашф этган инсонлар номи билан аталади. AdMe нашри шу каби машҳурлар номига қўйилган нарсалар ҳақида маълумот берди.
Шаҳзода Чарльз шарафига номланган қурбақа
Бу кичкина дарахт қурбақаси (Prince Charles stream tree frog) Эквадорда яшайди ва унинг йўқолиб кетиш хавфи бор. Қурбақа 2012 йилда табиатни муҳофаза қилишга ҳисса қўшган Уэльс шаҳзодаси номи билан аталган.
Кардиган Кардиган графи номи билан аталган
V-бўйинли тугмачали кўйлак XIX асрда яшаган Британия армияси генерал майори Жеймс Бруденеллнинг 7 чи Кардиган графи шарафига номланган. Тахминларга кўра, Бруденелл пальтосининг думлари тасодифан каминда ёниб кетганини пайқаб, кардиганни ихтиро қилган. Коко Шанел эса аёллар орасида кардиганларни оммалаштириш билан шуғулланган.
Ёнғоқ номи кимёгар Жон Макадамни шарафига қўйилган
Ширин, қалин қобиқли ёнғоқ нави биринчи марта 1858- йилда, Австралияда ботаник Фердинанд фон Мюллер томонидан маълум қилинган. Аввалига ёнғоққа бошқача — «маручи», «гавайи ёнғоғи», «жиндилли» ва бошқа номлар берилди. Бироқ кейинчалик, унга Мюллернинг дўсти, таниқли кимёгар Жон Макадам шарафига «макадамия» номи берилди.
Физиотерапевт Жозеф Пилатес номи билан аталган машқлар тўплами
Пилатес фитнес тури ХХ аср бошларида немис спортчиси Жозеф Пилатес томонидан ихтиро қилинган. У секин бажариш учун ишлаб чиққан жисмоний машқлар тўплами мослашувчанликни ва мушаклар кучини ривожлантиришга қаратилган эди. Гарчи усул муаллифининг ўзи уларни назорат қилиш деб атаган бўлса-да, кейинчалик машқларга «Пилатес» номи берилди.
Одри Хепберннинг қаҳрамони номи билан аталган деколте
Ёш дизайнер Юбер Живанши 1953 йилда ўзининг ательесини эндигина очган пайт, унга «мисс Хепберн» ташриф буюриши ҳақида хабар берилганда ҳайратда қолади. Живенши бу юлдузни ўша пайтдаги машҳур актриса Кетрин Хепберн деб ўйлаган ва учрашувни интиқлик билан кутган. Аммо унинг ўрнига дизайнерга нотаниш бўлган Одри исмли озғин қиз келади: актриса ўша пайт эндигина «Рим таътиллари»да рол ўйнаган ва ҳали машҳурликка эришмаган эди. Аммо актриса аксинча, Живеншининг ишини яхши биларди ва янги «Сабрина» фильмини суратга олиш учун унинг либосларини кийишни хоҳлаган. Дизайнер уларни тикишга улгурмаганини ва Одри ўз устахонасида мавжуд бўлган тайёр кийимлардан танлаганини айтган. Фильмдан сўнг, бу либослар машҳур бўлиб, либослардан биридаги квадрат деколтеси мода тарихига «Сабрина деколтеси» сифатида кирди.
Машина Никола Tesla шарафига номланган
Никола Tesla ўз ҳаётини электр энергиясини ўрганишга бағишлаган ва ихтиролари учун 300 га яқин патент олган. Яна бир новатор Илон Маск ўзининг машҳур электромобилини ва унинг ишлаб чиқарилиши учун шу номдаги компанияни серб-америкалик таниқли олим шарафига номлади.
Анжелина Жоли шарафига номланган ўргимчак
Аптостичус ангелинажолиэаэ тунги ўргимчаги Калифорнияда (АҚШ) яшайди, олимлар томонидан 2008 йилда аниқланган ва БМТда ишлаган пайтидаги хизматларини эътироф этилгани сабаб Анжелина Жоли номи билан аталган.
Астероид Элвис Пресли номига қўйилган
Рок-н-ролл қиролининг номи 1999 йилда ноодатий тарзда абадийлаштирилди. Янги астероидни кашф этган ҳаваскор астроном Жон Броугҳтон унга 17059 Elvis деб ном берди. Бу ҳолат таниқли хонанданинг альбомларидан бирининг номи «Бошқа сайёрадан келган шаҳзода» номини билан аталган.
Аврил Лавигне номи билан аталган пицца
Канадалик хонанда Аврил Лавигне Онтарио провинциясидаги кичик шаҳарчада туғилган. Маҳаллий пицсерия эгалари уни ўсмирлик пайтидан билган: хонанда дунёга машҳур бўлишидан анча олдин у ерга тез-тез борган. Кейинчалик, у ўзи яшаган жойдан ўтаётганда, муассасага киради, унинг кўплаб автографлари билан фотосуратлари буни тасдиқлайди. Пицсериянинг менюсида «Аврил Лавигне махсус пиццаси» бор ва бу жой сайёҳлар орасида жуда машҳур.
Леди Гага шарафига папоротник
Хонанданинг шарафига яқинда кашф этилган папоротникларнинг бутун бир тури — Гага деб номланди. Ушбу ғояни яратган биолог Кетлин Праернинг айтишича, бу ўсимликлар споралар ёрдамида кўпаяди, ундан эркак, урғочи ва бошқа намуналар ўсиши мумкин. «Биз бу жинсга Леди Гага номини беришни хоҳладик, чунки у тенглик ва индивидуал ифодани қаттиқ ҳимоя қилган», — дейди биолог.
Бейонсе номига аталган чивин
Олимлар томонидан 2011 йилда маълум қилинган Австралия чивини ўзининг нафис кўриниши билан бир гуруҳ олимларга поп-дива Бейонсени эслатган. Қорин қисмининг учи, олтин туклар билан қопланганлиги сабабли, улар ҳашаротни «пашшалар орасида барча даврларнинг диваси» деб аташга сабаб бўлади ва хонанда шарафига унга Scaptia beyonceae номини беришган.
Жонни Депп номига қўйилган қадимги ҳашарот
Олим Дэвид Легг 505 миллион йил аввал яшаган тўрт см узунликдаги, учли тирноқли ҳашаротни топгач, дарҳол худди шу номдаги фильмдаги қайчи қўлли Эдвард ҳақида ўйлади. Бундан ташқари, Дэвид Жонни Деппнинг мухлиси, шунинг учун у қадимги мавжудотнинг номи ҳақида узоқ ўйламаган. Олим унга актёр шарафига Коотеничела деппи номини берди.
Жастин Тимберлейк шарафига қўйилган қовун
Исроиллик деҳқонлар 2014 йилда Жастин Тимберлейкнинг ташрифидан шу қадар ҳайратда қолганки, улар қовун навига хонанданинг номини берган. «Жастин қовуни» ширин таъмга эга ва уни уч ҳафта давомида сақлаш мумкин.
Эндрю Гарфилд номига қўйилган ўргимчак
Эндрю Гарфилд ўзининг қаҳрамони Ўргимчак одам феъл-атворидаги супер кучларга эга бўлмаслиги мумкин, бироқ актёр табиатда ҳам номига эга. Биологлар актёрга Эронда топилган Прита Гарфилд номли кичик ўргимчак номини берган.
Мавзуга доир:
