Бугун,

  • USD 11095.31
  • RUB 173.84
  • EUR 10772.44

2022 йилнинг биринчи ярмида Россияни 419 минг киши тарк этган, бу 2021 йилнинг шу даврига нисбатан (202 минг киши) икки марта кўп демакдир. Бу ҳақда Meduza Россия федерал статистика хизмати («Росстат»)га таяниб хабар берди.

Фото: «ТАСС»

Фото: «ТАСС»

2022 йил бошида «Росстат» миграциявий пасайишни қайд этган (-96,7 минг). Таққослаш учун: 2021 йилнинг биринчи ярмида миграциявий ўсиш кузатилган эди (+114 минг киши).

2022 йил бошида МДҲ мамлакатларига Россиядан 368 минг киши жўнаб кетган, МДҲдан Россияга эса 294 минг киши келган. Миграциявий пасайиш 73 минг кишини ташкил этди (2021 йилда эса 111 минг кишилик миграциявий ўсиш бўлганди). Узоқ хорижга 50 мингдан зиёдроқ одам кетган бўлса, у ердан Россияга 27 минг киши келди (миграциявий пасайиш — 22 минг киши, 2021 йилда — 2,5 минг кишилик миграциявий ўсиш кузатилган).

«Россия Федерациясидан жўнаб кетганлар сони 216,5 минг кишига ёки 2,1 марта ўсди. Шуларнинг 189 минг нафари МДҲга аъзо мамлакатларга, 27,6 минг нафари эса узоқ хориж давлатларига кетган», — дейилади «Росстат» хабарида.

Россиядан одамлар энг кўп Украинага (79,6 минг), Тожикистонга (58,4 минг), Арманистонга (49 минг), Қирғизистонга (43,6 минг), Қозоғистонга (40,7 минг) ва Ўзбекистонга (38,6 минг) жўнаб кетган. Узоқ хориж мамлакатларидан Хитой (6,6 минг), Вьетнам (5,4 минг) ва Ҳиндистон (4,1 минг) етакчи бўлди.

Бундан ташқари, «Росстат» ҳисоб-китобларига кўра, йил бошидан буён Россияда умумий аҳоли сони 480,6 минг кишига ёки 0,33 фоизга пасайган. Ўтган йилнинг шу давридаги камайиш 307,7 минг киши ёки 0,21 фоизни ташкил қилганди. Аҳолининг табиий камайиши 383,8 минг кишига тенг бўлди (2021 йилда — 421,9 минг киши).

Изоҳ
Асосий янгиликлар
Дунё
Эрон олий раҳнамоси Европа давлатларида Қуръоннинг ёқиб юборилишига муносабат билдирди  
Молия
2022 йилда Ўзбекистонга пул ўтказмалари рекорд даражадаги 17 млрд долларга етди
Маҳаллий
Фотогалерея: Ўзбекистон ва Қирғизистон ўртасидаги тарихий алоқалар