Наманган вилояти Норин туманидан оқиб ўтувчи Қорадарёга 16 август куни 12 ёшли қиз ўртоқлари билан чўмилиш мақсадида бориб, чўкиб кетган. Бу ҳақда вилоят Фавқулодда вазиятлар бошқармаси маълум қилди.
Қайд этилишича, қиз Норин тумани «Учтепа» маҳалла фуқаролар йиғини ҳудудида яшаган. У чўккан кундан бошлаб вилоят Фавқулодда вазиятлар бошқармасининг сувда қутқарув-қидирув гуруҳи сув остида ҳамда Норин, Тўрақўрғон, Поп тумани фавқулодда вазиятлар бўлими қутқарувчилар, Миллий гвардия, ички ишлар ходимлари ва кўнгилли фуқаролар билан биргаликда сув устида қидирув ишлари олиб борилмоқда.
Ҳурматли фуқаролар, фарзандларингизнинг чўмилиш тақиқланган жойларда чўмилишига рухсат бериб, ҳаётига зомин бўлманг, — дейилади хабарда.
Мавзуга доир:
Изоҳ (0)