Ижтимоий тармоқларда Қашқадарё вилояти Қамаши туманида велосипед бошқариб кетаётган фуқаро ҳалок бўлгани ҳақида хабарлар тарқалди. Ҳолат юзасидан вилоят ички ишлар бошқармаси расмий муносабат билдирди.
Маълум қилинишича, 4 сентябрь куни 4Р-79 Қарши–Чим–Чироқчи–Шаҳрисабз автомобиль йўлида ҳаракатланган ҳайдовчи Р.Ф. Nexia-2 автомобилини бошқариб кетаётган бўлган. Олдинда ўзи билан бир йўналишда йўлнинг ўнг томонидан велосипедда ҳаракатланиб кетаётган пиёда О.А.ни уриб юбориб, йўл-транспорт ҳодисаси содир этган.
Оқибатда пиёда О.А. тан жароҳати олиб, туман шифохонасида вафот этган. Мазкур ҳолат юзасидан Қамаши тумани ички ишлар бўлими тергов бўлинмаси томонидан суриштирув ҳаракатлари олиб борилмоқда.