Ҳақиқий чарм пойабзал кундалик парвариш қилишни талаб қилади, акс ҳолда нозик материал ёрилиб, ҳақиқий шаклини йўқотиши мумкин.
Махсус парваришлаш воситаларидан фойдаланинг
Бундай маҳсулотларни пойабзал дўконидан сотиб олиш мумкин. Бундай тўпламда:
- Тозалаш воситаси. Одатда шампунь ёки кўпик шаклида сотилади.
- Крем. Ушбу маҳсулотлар теридаги намликнинг табиий даражасини сақлайдиган ва уни юмшоқ ва эластик қиладиган мойни ўз ичига олади. Кремлар турли хил рангларга эга (қора, оқ ва жигаррангдан ташқари бошқа вариантлар ҳам мавжуд) ва уларни оёқ кийим рангига мос келадиган тарзда танлаш керак.
- Полирол. Бу силикон асосидаги маҳсулот бўлиб, у қўлланилганда чарм юзасига ёрқинлик беради.
- Оёқ кийим учун чўтка. Юмшоқ тукли чўткани танланг. Агар турли рангдаги бир неча жуфт чарм пойабзал бўлса, ҳар бири учун алоҳида чўтка бўлиши керак.
- Пойабзал ушлагичлар. Улар чарм пойабзалларни қуритиш учун ҳам, сақлаш учун ҳам керак.
Уйга янги пойабзал олиб келганингиздан сўнг, унинг юзасини креми билан мойланг.
Об-ҳавога эътиборли бўлинг
Ташқарида ёмғир ёки қор ёғаётган бўлса, чарм пойабзал кийманг. Жуда кўп намлик бўлса, чармга путур етади. Сув шимган чарм қуриганида юмшоқлиги ва эластиклигини йўқотади, қўпол бўлади ва осонгина ёрилиб кетади. Бундан ташқари, пойабзал юзасида сув ва туз доғлари пайдо бўлиши мумкин.
Агар нам ҳавода кўчага чиқиш керак бўлса, аввал чарм пойабзалга сув ўтказмайдиган спрей билан яхшилаб ишлов беринг.
Оёқ кийимингиз нам бўлса, дарҳол қуритинг
Бу ҳўл пойабзал ёки этик билан уйга қайтганингизда қилиш керак бўлган биринчи иш. Тери намликка қанчалик сингса, унинг сифати шунчалик ёмонлашади.
Тўғри шамоллатиш учун ички тагликларни олиб ташланг, ушлагичларини ичкарига қўйинг ва ботинкаларни ҳаво яхши юрадиган очиқ жойга қўйинг.
Ҳар қандай ҳолатда ҳам чарм пойабзалларни батарея, фен билан ёки тўғридан-тўғри қуёш нурида қуритманг. Юқори ҳарорат сиртга зарар етказиши, ёпиштирувчи хусусиятларини ўзгартириши мумкин. Акс ҳолда пойабзал тез ёрилиб кетади. Бундан ташқари, у янада қаттиқлашиши ёки сув ўтказа бошлаши мумкин.
Оёқ кийимингизни тезроқ қуритиш учун ичига намликни ютувчи силиcон гелли пакетча, юмшоқ сочиқ ёки қоғоз салфеткадан ясалган шарчаларни қўйинг.
Оёқ кийимингизни ифлос ҳолда қолдирманг
Кичик кир ва чангни юмшоқ мато билан тозалаш ёки илиқ сувда намланган губка билан кетказиш мумкин.
Оёқ кийимларини крем ёки воск билан мойланг ва ҳар бир нам тозалашдан кейин кремни қўллашни унутманг.
Маҳсулот қуруқ, тоза пойабзалга қўлланилиши керак. Буни крем пакетига ўрнатилган шимгич ёки юмшоқ микрофибер мато ёрдамида айлана ҳаракатлар билан бажаринг. Крем терини микро ёриқлар пайдо бўлишидан ҳимоя қилади, шунингдек, унинг эластиклиги ва узоқроқ ярқирашига ёрдам беради.
Оёқ кийим кияётганда «рожка» ишлатинг
Бу товонни эзиб ташламаслик учун муҳим. Кўпинча у пойабзалнинг юқори қисмини бутун тузилишини ушлаб турадиган элемент бўлиб хизмат қилади. Агар пойабзалнинг товон қисмини эзиб қўйсангиз, оёқ кийимингиз тезда ўз шаклини йўқотади.
Мавсум тугаши билан пойабзалларни тўғри сақланг
Оёқ кийимни зоқ муддатли сақлаш учун олиб қўяётганда, уни чанг ва кирлардан тозалашни ва крем билан мойлашни унутманг. Шуни ёдда тутингки: ҳақиқий чарм жуда юмшоқ материал бўлиб, осонгина осилади ва эгилади, шунинг учун унга яхши парвариш керак.
Агар сизда пойабзал учун махсус ушлагич бўлмаса, ҳеч бўлмаганда қоғоздан қаттиқ тўплар ясаб, ўралган ҳолда оёқ кийим ичига қўйинг.
Кейин пойабзалларни қути ёки пакетга жойлаштиринг. Бу чармни чангдан ҳимоя қилишга ёрдам беради. Уларни хона ҳароратида ва ортиқча намлик бўлмаган жойда сақланг.
Изоҳ (0)