Шавкат Мирзиёев 31 август куни Ўзбекистон мустақиллигининг 31 йиллигига бағишланган байрам тадбиридаги нутқида референдум масаласига тўхталди. Бу ҳақда «Дарё» мухбири хабар берди.
«Албатта, бундай кенг кўламли вазифаларни амалга оширишда олдимизда турли қийинчилик ва муаммолар пайдо бўлиши табиий ҳол. Лекин ўз тарихида қанча-қанча синов ва машаққатларни бошидан кечирган мард ва матонатли халқимиз ҳар қандай қийинчиликни енгиб ўтишга қодир. Мен бунга қатъий ишонаман.Президентнинг таъкидлашича, янги Конституция чинакам халқ Қомуси, чинакам халқ Конституцияси бўлади.Асосий муаллифи ва ижодкори халқимиз бўлган – янгиланаётган Конституциямиз бу йўлда мустаҳкам ҳуқуқий асос бўлиб хизмат қилади.
Асосий қонунимизни шошилмасдан, чуқур ўйлаб, халқимиз билан маслаҳат қилиб, фақат умумхалқ референдуми асосида қабул қиламиз», — дейди президент.
Фурсатдан фойдаланиб, ислоҳотларимизни фаол қўллаб-қувватлаб, уларни амалга оширишда доимо фидоийлик кўрсатиб келаётган меҳнаткаш, олижаноб ва бағрикенг халқимизга чин дилдан таъзим қиламан.Сиз, азиз юртдошларимни Ўзбекистон мустақиллигининг ўттиз бир йиллик байрами билан яна бир бор қутлаб, барчангизга сиҳат-саломатлик, оилаларингизга бахту саодат, файзу барака тилайман.
Эзгу орзу-ниятларимиз амалга ошсин!
Яратганнинг ўзи барчамизни паноҳида асрасин!
Юртимиз тинч, халқимиз омон, Мустақиллигимиз абадий бўлсин!», — дейди давлат раҳбари сўзининг якунида.
Изоҳ (0)