«Ювентус» Аркадиуш Миликни ўз сафига қўшиб олганини маълум қилди.
Туринликлар 28 ёшлик польшалик футболчини «Марсель»дан бир мавсумга ижарага олди.
Ижара учун «Ювентус» 800 минг евро ва қўшимча харажатлар учун 100 минг евро тўлайди.
Шунингдек, Турин клуби Миликни 7 миллион евро эвазига сотиб олиш ҳуқуқига ҳам эга. Агар ушбу банд фаоллашса, бу нарх «Марсель»га уч йил давомида тўлаб берилади.
Шартномага бонус сифатида 2 миллион евро тўлаш ҳам кўрсатилган.
Аркадиуш ортда қолган мавсумда Лига 1 нинг 23 та ўйинида иштирок этиб, 7 та голга муаллифлик қилган.
Изоҳ (0)