Машҳурларнинг болалари одатда ота-оналари касбининг барча салбий томонларини яхши билишади. Аммо карьера имкониятларининг кўплигига қарамай, улар кўпинча бошқа йўлни танлайдилар. Қуйида қайси юлдузларнинг фарзанди нафақат дунё тан олиниши, балки ота-оналарини ҳам ортда қолдиришга муваффақ бўлгани ҳақида маълумот берамиз.
Женнифер Энистон
Женнифер Энистоннинг отаси Жон Грецияда туғилган, аммо кейинчалик унинг оиласи Америкага кўчиб ўтади. Театр таълимини олгандан сўнг, у ўз ҳаётини телевидение билан боғлашга қарор қилади ва энг узоқ давом этган сериаллардан бири — «Ҳаётимиз кунлари» фильмида рол ижро этади. Сериал 1965 йилдан бери эфирга узатилади ва «Дўстлар» ситкомида кўп тилга олинади — сериалда асосий роллардан бирини Жоннинг қизи ўйнаган.
Женнифернинг тан олишича, карьерасининг бошида отаси уни фикридан қайтаришга уриниб, оддийроқ ва барқарорроқ касб танлашни таклиф қилган. Яхшиямки, Энистон юрагини тинглашга ва қалби кўпроқ ёқадиган вариантда тўхташга қарор қилади.
Жейк Жилленхол
Кино саноати нафақат таниқли актёр Жейк Жилленхол ҳаётида, балки унинг бутун оиласида ҳам муҳим рол ўйнайди. Унинг отаси Стивен Жилленхол «Менталист» ва «Твин Пикс» каби телекўрсатувларни олиб борган. Жилленхолнинг онаси Наоми Фонер сценарий муаллифи бўлиб ишлаган ва ҳатто «Оскар» ва «Олтин глобус» мукофотларига номзод бўлган. Жейкнинг ўзи ҳам дунё миқёсида тан олинишга муваффақ бўлди: фильмографиясидаги машҳур роллар ва кўплаб мукофотлар бунинг бевосита тасдиғидир.
Дрю Берримор
Дрю Берримор актёрлар сулоласига мансуб. Унинг отаси томондан қариндошларининг аксарияти кино саноатидаги муваффақиятли карьера билан мақтанишлари мумкин. Дрю ўн бир ойлигида актёрлик фаолиятини бошлаган ва ҳозиргача Голливуддаги энг ёрқин ва энг талабгир юлдузлардан бири бўлганлиги ажабланарли эмас.
Лили Коллинз
Лили Коллинз саккизта «Гремми» мукофотига сазовор бўлган инглиз рокери Фил Коллинзнинг қизи. Мусиқий карьерасини қурган Фил ўзини актёр сифатида ҳам синаб кўради. Аммо, маълум бўлишича, кино оламида машҳур бўлиш аслида қизининг тақдирига битилган экан.
Лили аллақачон кино саноатида катта тажрибага эга ва унинг сўнгги асарларидан бири «Эмили Парижда» шов-шувли телесериали бўлди.
Гвинет Пелтроу
Гвинет Пелтроу нафақат бизнесда, балки кинода ҳам муваффақиятга эришди. Голливуддаги энг талабгир актрисалардан бири бўлган Пелтроу энг яхши актриса номинациясида «Оскар» мукофоти, таниқли режиссёрлар билан ишлаш ва кассабоп фильмларида суратга тушиши билан мақтана олади.
У ўз истеъдодини онаси, «Ота-оналар билан танишув» комедиясидаги Дина Бернс роли билан танилган америкалик актриса Блайт Даннердан мерос қилиб олган. Пелтроу ҳар доим онасининг ролларидан ҳайратда қолган ва онаси Гвинет ва унинг акаси билан кўпроқ вақт ўтказиш учун кўп ролларни қурбон қилганини тан олган.
Кейт Хадсон
Кейт Хадсон таниқли америкалик актриса Голди Хоун ва қўшиқчи Билл Хадсон оиласида туғилган. Кўп ўтмай, унинг ота-онаси ажралишади ва бир мунча вақт ўтгач, Голди ҳамкасби Курт Расселл билан ишқий муносабатда бўлади.
Голливуд гўзалининг карьерасидаги ютуқ «Деярли машҳур» фильми бўлди. Картина унга энг яхши иккинчи пландаги актриса учун номинациясида «Оскар» олиб келди ва янги муваффақиятли лойиҳаларга йўл очди.
Изоҳ (0)