Бугун,

  • USD 11014.01
  • RUB 191.8
  • EUR 10674.78

АҚШ президенти Жо Байден Владимир Зеленский билан Киевни қўллаб-қувватлаш ва ҳарбий ёрдамнинг янги пакетини муҳокама қилди, деб хабар бермоқда Оқ уй матбуот котиби Карине Жан-Пьер.

Фото: Украина президенти офиси

Фото: Украина президенти офиси

«Президент Украинани қўллаб-қувватлашини яна бир бор тасдиқлади», — дейди у журналистларга. Суҳбат чоғида, шунингдек, АҚШнинг қарийб 3 миллиард долларлик ёрдами муҳокама қилинган.

Жан-Пьернинг қўшимча қилишича, Байден Запорожье атом электр станцияси атрофидаги вазиятга ҳам тўхталган. Унинг таъкидлашича, Қўшма Штатлар станция атрофида қуролсизлантирилган зона ташкил этишга ва халқаро инспекторларнинг АЭСга киришига рухсат беришга чақирмоқда.

Аввалроқ Байден Украинага энг йирик — 2,98 миллиард долларлик ҳарбий ёрдам пакети тақдим этилганини эълон қилганди. Президентнинг Украина Мустақиллик кунидаги баёнотига кўра, ўтган олти ой ичида украиналиклар ўз жасорати ва озодлик йўлида кўрсатаётган фидойиликлари билан дунёни илҳомлантирди. Улар Россиянинг Украинага тўлиқ миқёсда бостириб кириши қаршисида қатъий ва кучли тура олди. Бугунги кун нафақат ўтмишга дахлдор байрам, балки Украина суверен ва мустақил давлат экани ва шундай бўлиб қолишини тасдиқловчи кундир.

Изоҳ
Асосий янгиликлар