Самарқанд вилоятининг Иштихон тумани фермер хўжалиги раҳбари, Тошкент вилоятининг Ангрен шаҳрида МЧЖ раҳбари имтиёзли кредит маблағларини ўзлаштиргани аниқланди.
Бош прокуратура ҳузуридаги департаментнинг Иштихон туман бўлими томонидан ўтказилган терговга қадар текширишда, «Х.э.» фермер хўжалиги раҳбари М.Ж. хўжаликка чорвачиликни ривожлантириш ва хориждан наслли чорва молларини сотиб олиш учун ажратилган 780 миллион сўм имтиёзли кредит эвазига хориждан олиб келинган 31 бош наслли қорамолларни сотиб юбориб, кредит маблағини ўзлаштирганлиги аниқланган.
Шу каби, Ангрен шаҳар бўлими томонидан ўтказилган терговга қадар текширувда «М.О.» МЧЖга балиқчиликни ривожлантириш учун ажратилган 490 миллин сўм имтиёзли кредит маблағини МЧЖ раҳбари А.Ў. бошқа мақсадларда сарфлаб, ўзлаштириб юборганлиги аниқланган.
Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят ишлари қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)