Бугун,

  • USD 11095.31
  • RUB 173.84
  • EUR 10772.44

Озарбайжон президенти Илҳом Алиев 12 август куни Басгал қишлоғида мамлакат телевидениесига берган интервьюсида амалга оширилган «Қасос» операцияси ҳақида гапириб ўтди.

Фото: Reuters

Фото: Reuters

Унинг сўзларига кўра, Арманистон яна бир бор қуролли провокацияни амалга оширган. Бу ҳаракатлар оқибатида бир нафар ҳарбий ҳалок бўлган.

Ҳамма кўрди ва кўриши керак. Шаҳидимизнинг қони ерда қолмади. Биз дарҳол «Қасос» операциясини ўтказдик, шаҳидимиз учун қасос олдик ва қарши томонга қаттиқ зарба бердик. Бир неча соат давом этган «Қасос» операцияси жазо чораси эди. Озарбайжон шаҳиди душманларга қимматга тушди ва улар буни унутмасликлари керак. Агар яна шундай провокация қилинса, яна худди шундай жавоб қайтарилади, ҳеч ким бизни тўхтата олмайди. Ўз заминимизда исталган вақтда исталган операцияни ўтказишимиз мумкин, кучимиз етарли.

«Қасос» операциясидан мақсад фақат шаҳидимиз учун қасос олиш эмас эди. Мен Олий бош қўмондон сифатида ўз олдимга бошқа мақсад ва вазифаларни қўйган эдим ва уларнинг барчаси амалга ошди. Натижа эса маълум, бу ҳақда кўп гапиришни истамайман. Шунчаки шуни айтмоқчиманки, биз хоҳлаганимиздан кўра кўпроқ нарсани қилдик ва қарама-қарши томон буни яна бир бор қабул қилишга мажбур.

«Қасос» операцияси шуни кўрсатдики, бизни ҳеч ким ва ҳеч нарса тўхтата олмайди — на кимнингдир баёноти, на бировнинг нутқи, на телефон қўнғироғи. Ҳеч ким ва ҳеч нарса. Озарбайжон халқи буни яхши билади. Иккинчи Қорабоғ уруши буни кўрсатди. Ишончим комилки, буни бошқа томон ҳам билади. Фақат баъзида бу ҳақда унутади. Шунинг учун ҳам аянчли воқеалар содир бўлмоқда, — деди давлат раҳбари.

Аввалроқ Озарбайжон Арманистонни Қорабоғдаги янги отишмада айблаганди.

Изоҳ
Асосий янгиликлар
Маҳаллий
Бухорода Nexia-2 ариққа тушиб кетди (видео)
Иқтисодиёт
Ўзбекистонда қанча табиий монополия борлиги маълум қилинди 
Маҳаллий
Соғлиқни сақлаш вазирининг телефон рақамига кунига 500 дан ортиқ мурожаат келиб тушаётгани маълум қилинди