Ozarbayjon prezidenti Ilhom Aliyev 12-avgust kuni Basgal qishlog‘ida mamlakat televideniyesiga bergan intervyusida amalga oshirilgan “Qasos” operatsiyasi haqida gapirib o‘tdi.
Uning so‘zlariga ko‘ra, Armaniston yana bir bor qurolli provokatsiyani amalga oshirgan. Bu harakatlar oqibatida bir nafar harbiy halok bo‘lgan.
Hamma ko‘rdi va ko‘rishi kerak. Shahidimizning qoni yerda qolmadi. Biz darhol “Qasos” operatsiyasini o‘tkazdik, shahidimiz uchun qasos oldik va qarshi tomonga qattiq zarba berdik. Bir necha soat davom etgan “Qasos” operatsiyasi jazo chorasi edi. Ozarbayjon shahidi dushmanlarga qimmatga tushdi va ular buni unutmasliklari kerak. Agar yana shunday provokatsiya qilinsa, yana xuddi shunday javob qaytariladi, hech kim bizni to‘xtata olmaydi. O‘z zaminimizda istalgan vaqtda istalgan operatsiyani o‘tkazishimiz mumkin, kuchimiz yetarli.Avvalroq Ozarbayjon Armanistonni Qorabog‘dagi yangi otishmada ayblagandi.“Qasos” operatsiyasidan maqsad faqat shahidimiz uchun qasos olish emas edi. Men Oliy bosh qo‘mondon sifatida o‘z oldimga boshqa maqsad va vazifalarni qo‘ygan edim va ularning barchasi amalga oshdi. Natija esa ma’lum, bu haqda ko‘p gapirishni istamayman. Shunchaki shuni aytmoqchimanki, biz xohlaganimizdan ko‘ra ko‘proq narsani qildik va qarama-qarshi tomon buni yana bir bor qabul qilishga majbur.
“Qasos” operatsiyasi shuni ko‘rsatdiki, bizni hech kim va hech narsa to‘xtata olmaydi — na kimningdir bayonoti, na birovning nutqi, na telefon qo‘ng‘irog‘i. Hech kim va hech narsa. Ozarbayjon xalqi buni yaxshi biladi. Ikkinchi Qorabog‘ urushi buni ko‘rsatdi. Ishonchim komilki, buni boshqa tomon ham biladi. Faqat ba’zida bu haqda unutadi. Shuning uchun ham ayanchli voqealar sodir bo‘lmoqda, — dedi davlat rahbari.
Izoh (0)