Фарғона вилояти Қувасой шаҳрида фуқаронинг ишончига кириб, унга Spark олиб беришини айтган ва олдиндан олинган 1500 долларни ўз эҳтиёжларига сарфлаб юборган шахс қамоққа олинди. Бу ҳақда вилоят ИИБ ахборот хизмати хабар бермоқда.
Маълум бўлишича, фуқаро И.М. ИИБга мурожаат қилиб, унда 2021 йилнинг июль ойида номаълум шахс ишончига кириб, танишлари орқали Spark олиб беришини айтиб, олдиндан 1500 доллар олиб, берган ваъдасини бажармасдан, алдов йўли билан қўлга киритган пулларни эҳтиёжларига сарфлаб юборганини билдирган.
Мазкур ҳолат юзасидан Қувасой шаҳри ИИБ ҳузуридаги тергов бўлими томонидан Жиноят кодексининг 168-моддаси 1-қисми (фирибгарлик) билан жиноят иши қўзғатилган. Олиб борилган тезкор суриштирув ишлари давомида ушбу жиноятни Ш.Ж. содир этгани аниқланиб, суд томонидан қамоққа олиш тарзидаги эҳтиёт чораси қўлланилган.
Юқорида кўрсатилган жиноятни содир этган шахс уч йилгача озодликдан маҳрум қилиш билан жазоланиши мумкин.
Изоҳ (0)