Тошкент шаҳридан Андижонга 12 август куни учган самолёт йўналишини ўзгартирди. Бу ҳақда Uzbekistan Airways хабар қилди.
Қайд этилишича, Тошкент–Андижон–Тошкент йўналишидаги HY-091/092 рейслари Boeing 757 ҳаво кемасининг техник носозлиги сабабли белгиланган йўналиш бўйича парвозни амалга ошира олмаган.
Андижон халқаро аэропорти Airbus А321нео (ЛР) ҳаво кемасини қабул қилиш имконияти йўқлиги сабабли парвоз Тошкент–Наманган–Тошкент йўналишига ўзгартирилган.
«Келтирилган ноқулайликлар учун йўловчилар ва уларни кутиб олувчилардан узр сўраймиз», — дейилади хабарда.
Изоҳ (0)