Болливуднинг дунёга машҳур актёрларидан бири Амир Хон ҳамкасби, «Ишқ» фильмидаги партнёри Жуҳи Чавла билан қаттиқ уришиб қолгани, ҳаттоки гаплашмаса ҳам ўртасидаги илиқ муносабатлар сақланиб қолгани ҳақида гапирди.
«Биз ‘Ишқ’ фильмининг суратга олиш жараёнидаги қандайдир арзимас гаплар туфайли Жуҳи билан жанжаллашиб қолдик. Бу арзимас нарса эди, лекин кейин менда худбинлик пайдо бўлди. Шунинг учун мен у билан бошқа гаплашмасликка қарор қилдим. Ҳатто суратга олиш пайтида ҳам мен ундан узоқлашдим. Нега бундай қилганимни билмайман.
У келиб ёнимга ўтирганида мен туриб кетардим. Жуҳи билан саломлашмадим ҳам ва хайрлашмасдим ҳам. Фақат саҳнада, агар биздан гапириш талаб этилса, мен у билан гаплашардим. Фақат иш юзасидан.
Шундай қилиб, кейинги олти ёки етти йил давомида биз гаплашмадик. Лекин Рина билан ажрашганимдан хабар топгач, у менга қўнғироқ қилиб, учрашишимиз кераклиги ҳақида айтди. Жуҳи Ринанинг ҳам, менинг ҳам яқин инсоним эди ва у бизнинг келишмовчиликларимизни ҳал қилмоқчи бўлган.
У қўнғироғига жавоб бермаслигим мумкинлигини ич-ичидан сезган, лекин барибир қўнғироқ қилган. Бу ҳолат мени таъсирлантирди. Ўртамиздаги дўстликка заррача путур етмаганини ҳис қилдим. Биз йиллар давомида гаплашмаган бўлсак-да, лекин биз бир-биримизга ғамхўрлик қилишда давом этдик», — дейди актёр.
Мавзуга доир:
- Болливуд юлдузи Амир Хоннинг «Лаал Сингҳ Чадҳа» фильмига бойкот эълон қилинди.
- Болливуд юлдузи Амир Хон бир-бирига умуман ўхшамайдиган образларни гавдалантирган ажойиб фильмлар (видео)
- Болливуд юлдузи — Амир Хон суратга тушиши кутилаётган ҳинд фильмлари (фото).
- Болливуд юлдузи — Амир Хон нима учун иккинчи рафиқаси Киран Рао билан ажрашмоқда?
Изоҳ (0)