Иқтисодий тадқиқотлар ва ислоҳотлар маркази июль ойидаги ишбилармонлик фаолиятини таҳлил қилди. Бу ҳақда Марказ матбуот хизмати «Дарё»га маълум қилди.
Солиқ тушумлари
Йил бошидан буён мамлакатда солиқ тушумлари ҳажми ўтган йилнинг мос даврига нисбатан 15,9 фоизга ошган.
Фарғона (39,4 фоиз), Самарқанд (35,3 фоиз), Сурхондарё (34,5 фоиз), Сирдарё (34,4 фоиз), Бухоро (33,9 фоиз), Хоразм (32,4 фоиз) вилоятларида ва Тошкент шаҳрида (42,6 фоиз) солиқ тушумларининг сезиларли ўсиши қайд этилди.
Божхона тушумлари
Таҳлил қилинаётган даврда божхона тўловлари бўйича тушумлар ўтган йилнинг мос даврига нисбатан 41,9 фоизга ошди.
Божхона тушумларининг энг катта ўсиши Қорақалпоғистон (62,8 фоиз), Андижон (57,2 фоиз), Бухоро (51,7 фоиз), Жиззах (47,4 фоиз), Хоразм (46,5 фоиз) вилоятларида ва Тошкент шаҳрида (48,4 фоиз) кузатилди.
Товарлар экспорти
Давлат божхона қўмитаси маълумотларига кўра, йил бошидан буён товарлар экспорти ҳажми ўтган йилнинг мос даврига нисбатан 22,3 фоизга ошган.
Товарлар экспорт ҳажмининг сезиларли ўсиши Қашқадарё (45 фоиз), Самарқанд (41,4 фоиз), Андижон (32,5 фоиз), Наманган (31,3 фоиз), Фарғона (25,1 фоиз) вилоятларида ва Тошкент шаҳрида (44,5 фоиз) қайд этилди.
Ўзбекистон экспортининг ўсиши саноат маҳсулотлари, озиқ-овқат маҳсулотлари, кимё ва қишлоқ хўжалиги маҳсулотлари экспортининг ўсиш суръатлари билан изоҳланади.
Товар экспортининг қисқариши Бухоро (16,7 фоиз), Сурхондарё (7,8 фоиз) вилоятларида ва Қорақалпоғистонда (15,9 фоиз) кузатилди.
Бухоро вилоятида экспорт ҳажмининг камайиши 2022 йилнинг январь—июль ойларида пахта толаси экспорти камайгани билан, бу эса маҳсулотларнинг ички бозорга йўналтирилганлиги билан боғлиқ.
Қорақалпоғистонда экспорт ҳажмининг камайиши пластмасса ва ундан тайёрланган маҳсулотлар, ип-калава ва фармацевтика маҳсулотлари экспортининг камайгани билан, шунингдек, пахта толаси экспортининг бутунлай бекор қилиниши ва ички бозорга йўналтирилиши билан изоҳланади.
Ўз навбатида, Сурхондарё вилоятида экспорт ҳажмининг камайиши мева-сабзавот маҳсулотлари экспортининг камайиши ҳамда пахта толаси ва калаванинг ички бозорга йўналтирилиши билан боғлиқ.
Кредитлар
Январь ойидан буён банклар томонидан берилган кредитлар ҳажми ўтган йилнинг мос даврига нисбатан 13,3 фоизга ўсди.
Берилган кредитлар ҳажмининг ўсиши Фарғона (34,4 ф)оиз, Андижон (22,8 фоиз), Хоразм (18 фоиз) вилоятларида, Тошкент шаҳрида (19,1 фоиз) ва Қорақалпоғистонда (31,2 фоиз) кузатилган.
Сирдарё (-31,6 фоиз), Сурхондарё (-2,6 фоиз) ва Навоий (-1,8 фоиз) вилоятларида ажратилган кредитлар миқдорининг камайгани кузатилди. Бу 2021 йилда текстил ва бошқа ишлаб чиқариш лойиҳалари учун катта миқдорда кредитлар ажратилиши билан боғлиқ.
Изоҳ (0)