Бугун,

  • USD 10940.05
  • RUB 182.26
  • EUR 11121.65

Ўзбекистонда суюлтирилган газни ташиш ва аҳолига етказиб бериш самарадорлиги янги босқичга кўтарилади. Бу ҳақда «Ҳудудгазтаъминот»акциядорлик жамияти матбуот хизмати хабар берди.

Фото: «Ҳудудгазтаминот»акциядорлик жамияти

Фото: «Ҳудудгазтаминот»акциядорлик жамияти

Таъкидланишича, мазкур масала Вазирлар Маҳкамасининг «Республика истеъмолчиларининг табиий ва суюлтирилган газ таъминоти тизимининг самарадорлигини ошириш чора-тадбирлари тўғрисида»ги қарорида назарда тутилган. Ҳужжатга мувофиқ, «Ҳудудгазтаъминот» АЖга тегишли вазирлик ва идоралар билан биргаликда аҳолини суюлтирилган газ билан таъминлаш тизими самарадорлигини ошириш бўйича кўрсатмалар берилган.

Ҳукумат қарорида белгиланган вазифалар аҳолини газ билан таъминлаш тизимида амалга оширилаётган ислоҳотларнинг мантиқий давоми ҳисобланади. Сўнгги уч йилда истеъмолчиларга суюлтирилган газ етказиб бериш соҳаси модернизация қилинди. Жумладан, аҳолига газ баллонларини «айланма» усулда етказиб бериш йўлга қўйилди, автотранспорт воситалари парки сезиларли даражада кенгайтирилди, темир йўллар бўйлаб ёнилғи ташиш учун вагон-цистерналари сотиб олинди.

Натижада 3,7 миллион хонадонга суюлтирилган газ етказиб бериш муддати 46—50 кундан 30—40 кунгача қисқарди. Бундан ташқари, газ баллонларини махсус штрих-кодлар орқали истеъмолчига етказиб бериш бўйича онлайн мониторинг ўрнатилди, ёнилғи учун ўзаро ҳисоб-китоблар махсус ИД карталар орқали нақд пулсиз шаклга ўтказилди, суюлтирилган газ билан ишлашнинг ҳар бир босқичида видеокузатув камералари ўрнатилиши туфайли коррупция ҳолатлари деярли йўқ қилинди.

Йил охирига қадар суюлтирилган газ ташиш ҳажмини 3,6 минг тоннагача оширадиган қўшимча вагон-цистерналарни сотиб олиш, сақлаш ҳажмини кенгайтириш учун газ қуйиш шохобчаларига 22 та сиғим ўрнатиш, шунингдек, суюлтирилган газ сифатини назорат қилиш учун мустақил кимёвий лабораторияни жалб қилиш режалаштирилган.

2024 йилга бориб суюлтирилган газ ҳажмининг ойлик фондини босқичма-босқич 56 минг тоннагача ошириш, 69 минг дона газ баллонларини аҳолига фойдаланиш учун етказиб бериш, шунингдек, Isuzu маркали 31 та юк ташувчи автомобиль сотиб олиш ҳисобига газ баллонларини ташишга мўлжалланган мавжуд автотранспорт паркини янада кенгайтириш режалаштирилган. Буларнинг барчаси хонадонларга суюлтирилган газ ташиш ҳажмини ойига ўртача 1,9 тоннага оширишга хизмат қилади.

Изоҳ
Асосий янгиликлар