Бугун,

  • USD 11014.01
  • RUB 191.8
  • EUR 10674.78

Ҳозир бутун дунёдаги одамларнинг 63 фоиз қисми интернетдан фойдаланади. Қарийб 1 йиллик давр мобайнида интернет фойдаланувчилари сони 200 миллионга ортган. Бу ҳақда Инновастион ривожланиш вазирлиги хабар бермоқда.

Фото: «Дарё» / Мадина Нурман

Фото: «Дарё» / Мадина Нурман

Фойдаланувчиларнинг асосий қисми (92,4 фоиз) мобил қурилмалар орқали интернетдан фойдаланади. 4,65 млрд одам эса ижтимоий тармоқларда фаол.

Дунё бўйича 3 миллиарддан ортиқ мессенжер фойдаланувчилар мавжуд. Энг кўп фойдаланувчига эга бўлган платформалар Facebook ва WhatsApp бўлиб, 2,5 миллиарддан ортиқ одам улардан фойдаланади.

Бундан ташқари бир қанча ривожланган мамлакатларда миллий мессенжерлар ҳам мавжуд. Жумладан, Японияда Лине, Жанубий Кореяда KakaoTalk ва Хитойда WeChat.

Statista.com сайти энг оммабоп мессенжерлар рўйхатини эълон қилган:

  • WhatsApp — 2 млрд;
  • Wechat — 1,3 млрд;
  • Facebook Messenger – 988 млн;
  • ҚҚ – 574 млн;
  • Snapchat – 557 млн;
  • Telegram – 550 млн фойдаланувчига эга.

Энг оммабоп мессенжер WhatsApp’дан:

  • бир кунда 100 миллиарддан ортиқ хабар юборилади;
  • мобил қурилмалар орқали бир кунда иловадан ўртача 38 дақиқа фойдаланилади;
  • 26-35 ёш атрофидаги фойдаланувчиларнинг улуши 27 фоизни ташкил этади;
  • фойдаланувчиларнинг 46,1 фоизи аёлларни ташкил этади.

Ўзбекистонда энг оммабоп мессенжерлар рўйхати:

  • Telegram — 80 фоиз;
  • WhatsApp — 22 фоиз;
  • Facebook Messenger — 6 фоиз.

Datareportal.com маълумотларига кўра Ўзбекистон аҳолисининг қарийб 70 фоиз қисми интернет фойдаланувчиси ҳисобланади. Аҳолининг 18,3 фоиз қисми ижтимоий тармоқлардан фойдаланади.

Мамлакатда фойдаланувчилар томонидан энг кўп Instagram ижтимоий тармоғидан фойдаланилади. Ҳозирги кунда ушбу тармоқдан фойдаланувчилар сони 4,8 миллиондан ортиқ.

Уларнинг 34,4 фоиз қисми аёллар, асосий қисми ёшларни (18-35 ёш) ташкил этади.

Аввалроқ Ўзбекистонда миллий ижтимоий тармоқ ва мессенжер яратиш бўйича танлов эълон қилингани ҳақида хабар берилганди.

«Миллий мессенжер ва ижтимоий тармоқлар бўйича стартап лойиҳалар» мавзусидаги «стартап» лойиҳалар танлови учун аризалар 2022 йил 31 июлдан 1 октябргача қабул қилинади.

Изоҳ
Асосий янгиликлар