Тошкент шаҳар Мирзо Улуғбек туманидаги соғломлаштириш маркази кимошди савдосига қўйилди. Лот маълумотлари «E-auksion» порталида эълон қилинган.
Лот аукционга Давлат активларини бошқариш агентлиги томонидан жойлаштирилган.
Ер участкасининг умумий майдони — 0,18 гектар. Бинонинг майдони — 2708 квадрат метр. Унда газ, электр таъминоти ва канализация тизими мавжуд.
Аукционга қўйилган марказнинг бошланғич баҳоси — 32,1 млрд сўм. Аризалар 8 сентябрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкент вилоятидаги «Пирамида» дам олиш маскани 208 млрд сўмга сотилган эди.
Изоҳ (0)