«Болонья» ҳужумчиси Марко Арнаутович «Манчестер Юнайтед»га ўтиши мумкин.
«Болонья» манкунианликларнинг Марко борасидаги 9 миллионлик таклифини рад этди. Энди «қизил иблислар» ҳужумчи учун яхшироқ нарх таклиф қилмоқчи.
Манчестер клуби 33 ёшли Арнаутовични харид қилишига ишончи комил, дея хабар қилмоқда Sky Sports.
«Манчестер Юнайтед» бош мураббийи Эрик тен Ҳагнинг шахсан ўзи Маркони жамоада кўрмоқчи. Улар 2006 йилдан 2009 йилга қадар «Твенте»да бирга ишлаган.
Аввалроқ Элдор Шомуродовнинг «Болонья»га ўтиши эҳтимоли катта экани хабар қилинганди. Ўзбекистонлик футболчи болоняликлар сафига ўтса, Марко Арнаутовичга тўғридан-тўғри рақобатчига айланади.
Австриялик футболчи ортда қолган мавсум А Серияда 33 ўйинда 14 та голга муаллифлик қилган.
Изоҳ (0)