Фото: Рианна, Анжелина Жоли, Адель ва бошқа машҳурлар қандай атирдан фойдаланади?

Дунё бўйлаб машҳурликка эришган аёлларнинг шахсий ҳаёти билан боғлиқ маълумотлар кўпчиликка қизиқ, ҳаттоки қандай уйда яшашидан тортиб қанақа атирдан фойдаланиши мухлисларнинг эътибор марказида туради. «Woman.ru» нашри уларнинг қандай атирдан фойдаланиши ҳақида маълумотларни тақдим этди.

Виктория Бекҳэм 

Виктория Бекҳэм сифатли ва яхши нарсани топганда ундан бир умр фойдаланиш мумкинлигини айтган. У кўплаб йиллар давомида бир хил парҳез, бир хил бренд ва бир хил парфюмерия воситасидан фойдаланади. Хонанда маҳаллий ишлаб чиқарилган нарсалардан фойдаланишни яхши кўради. Виктория Британиядаги Жо Малоне брендининг хушбўй ҳидли Grapefruit Cologne атиридан 20 йилдан бери фойдаланади.

Grapefruit Cologne, Жо Малоне атири

Ушбу атир Испания қирғоқларида зич жойлашган грейфурт боғларининг хушбўй ҳидини эслатади. Ёқимли ва тетиклантирувчи ҳид атрофга тез тарқалади. Парфюмериядан лаванда, кофур ва ялпизнинг хушбўй ҳиди ҳам келади. Бу ҳид ёмғирдан кейин янада таъсирли ифорни атрофга таратади.

Наоми Кемпбелл 

Наоми Кемпбелл кийиниши, бўяниши ва умуман ташқи кўриниши билан боғлиқ ҳамма нарсага жуда эҳтиёткорлик билан муносабатда бўлади. Шунинг учун у эски, бироқ ҳиди жуда ўткир бўлган атирни танлайди. Наомининг сўзларига кўра, бу тавсифга фақат битта парфюмерия мос келади — Диорнинг Diorissimo. Diorissimo итальянча «bravissimo» сўзидан келиб чиққан бўлиб «олий» деган маънони англатади. Кемпбелл ҳиди бир кун турадиган атирлардан фойдаланмайди.

Diorissimo, Dior атири

Diorissimo атири хушбўй ҳидга эга баҳорий гулдаста ва сувнинг ҳидини эслатади. Наоми айтганидек, Diorissimo чексиз бахтнинг ҳидидир.

Адель

Хонанда Адель ҳам Dior атиридан фойдаланади. Наоми Кемпбеллдан фарқли ўлароқ, юлдуз «Оппоғой» фильмидаги заҳарланган олмадан илҳомланиб яратилган Poison линиясининг ноёб ҳидга эга атиридан фойдаланишни яхши кўради. Хонанда мунтазам равишда Hypnotic ёки оддийгина Poison атиридан фойдаланади.

Hypnotic Poison, Dior

Hypnotic Poison бу тропик меваларнинг ҳидини эслатувчи атирлардан бири ҳисобланади. Атир Жасминнинг жозибали ҳиди ва аччиқ апельсин гулининг нозиклиги билан уйғунлашиб, ёқимли хушбўй ҳидни таратади.

Роузи Ҳантингтон-Уайтли

Рози Ҳантингтон-Уайтли парфюмерия маҳсулотларини тез-тез ўзгартириб туради. Жейсон Стейтемнинг рафиқаси ҳар куни бир-бири билан алмаштириб турадиган турли хил хушбўй ҳидга эга 21 та шишани сақлайди. Роузи уларнинг ичидан энг хўшбўй ҳидга эга — Le Labo компанияси ишлаб чиқарган Ylang 49 атирини яхши кўради.

Ylang 49, Le Labo компанияси атири

Ушбу атирдан Таити оролидаги ўсимликнинг ҳиди келади. У бундан ташқари пачули, эман мохи, ветивер, сандал дарахти ва бензоиннинг кучли ҳидлари аралашмасини эслатади.

Анжелина Жоли 

Кўпгина машҳурлар хушбўй ҳидга эга атирларниннг «юзи»га айланади бироқ ўзлари ундан фойдаланмайди.  Анжелина Жоли стереотипни бузди: актриса ўсмирлигидан буён Моn Guerlain атиридан фойдаланади. Интервьюларнинг бирида Анжелина Жолининг онаси атирнинг хушбўй ҳидини яхши кўришини айтди. Шундан кейин Guerlain жамоаси Жолини атирнинг «юзи» бўлишга таклиф қилган ва актриса бундан хурсанд бўлган.

Моn Guerlain, Guerlain атири

Атир лаванданинг тетиклантирувчи ҳидини эслатади. Бу француз атирининг ҳиди билан тўлдирилган. Бундан ташқари атирдан ирис ва Ҳиндистонда ўсадиган жасминнинг ҳиди ҳам келади. Таркибида оқ сандал дарахтининг ҳиди ва тропик ванилнинг зираворли ифори бўлган ушбу атир қимматбаҳо атирлар турига киради.

Рианна

Рианна Kilian брендининг ашаддий мухлисларидан бири. Хонанда ушбу бренднинг барча хушбўй атирларини яхши кўришини бир неча бор айтган. Рианна бу атирлар орасида Love by Killian атирини ёқтиришини таъкидлаган.

Лове бй Kilian

Ушбу атирда бир неча хил гулларнинг комбинацияси мавжуд: янги очилган жасмин ва атиргулнинг хушбўй ҳиди бу қаторга киради. Бундан ташқари атирда маршмеллоунинг комбинацияси ҳам мавжуд.

Мавзуга доир:

• 40 ёшдан кейин фарзанд кўрган ҳамда она бўлиш учун ҳеч қачон кеч эмаслигини исботлаган машҳур аёллар (фото)
• Шахсий тажрибаси билан 40 ёшдан кейин карьераси энди бошланишини исботлаган машҳур аёллар (фото)
• Турмуш ўртоғиникига нисбатан даромади юқори бўлган машҳур аёллар (фото)
• Машҳур аёллар суратга тушиш вақтида мукаммал кўриниш учун фойдаланадиган лайфхаклар (фото)