«Фарғона ИЭМ» АЖ Қозон цехи биносига 60 кВт қувватдаги қуёш фотоэлектр станцияси ўрнатилиб, фойдаланишга топширилди. Бу ҳақда Энергетика вазирлиги матбуот хизмати хабар берди.
Қайд этилишича, бу корхонада йиллик иссиқлик энергиясини 47,45 Гкалга, электр энергиясини эса 108 минг кВт/соатга тежаш имконини беради. Йил охирига қадар «Фарғона ИЭМ» АЖ мавжуд биноларига 13 дона жами 2600 литрлик қуёш сув иситгичлари ўрнатиш белгиланган.
Бундан ташқари ишлаб чиқаришда ёқилғи-энергетика ресурслари истеъмолини қисқартириш, энергия самарадорлигини ошириш, энергия тежовчи технологиялар ва қайта тикланувчи энергия манбаларини жорий этиш бўйича «Фарғона ИЭМ» АЖ кўп йиллардан буён ишлатилмай келаётган эски кўмир омборхонаси ўрнида қуввати 1800-2000 кВт бўлган қуёш панелларини ўрнатиш режалаштирилган.
Ушбу қуёш панеллари «Оn-Grid» режимида ишлашини ҳисобга олганда йилига 7-8 миллион кВт қўшимча электр энергияси олиш ва ёқилғи энергоресурсларини тежаш, атмосферага зарарли газларнинг чиқишини камайтириш имконини ҳам беради.
Бундан аввал Фарғонада аҳоли хонадонларига қуёш панелларини ўрнатиш бошлангани ҳақида хабар берилган эди.
Эслатиб ўтамиз, 10 июнь куни Шавкат Мирзиёев раислигида ўтказилган қайта тикланувчи энергиядан фойдаланишни кенгайтириш бўйича устувор вазифаларга бағишланган йиғилишда муқобил энергия қурилмаларини ўрнатиш юзасидан топшириқлар берилганди.
Изоҳ (0)