«Барселона» УЕФАни «ПСЖ» ва «Манчестер Сити» клублари фаолияти юзасидан текширув бошлашга ундаган.
Financial Times журналисти Саймон Купер ўз китобида таъкидлаганидек, 2020 йил февраль ойида УЕФА расмийси «Барселона» вакили билан тушлик қилиш вақтида, у давлат билан боғланган клублар ҳақида гап кетганда молиявий фейр-плей қоидаларига риоя қилинмаётганидан шикоят қилган.
«Кўк-анорранглилар» ходими шу сабабли Ла Лига жамоаси «ПСЖ» ва «Манчестер Сити» билан иқтисодий томондан рақобатлашиши қийинлигини таъкидлаган.
Қайсидир лаҳзада «Барселона» ходими ташкилотда пул оладиган фейр-плей бўлими бор-йўқлигини сўраган. УЕФА расмийси бу гапни каталонияликлар пора бермоқчи, деб тушунган.
УЕФА The Athletic’нинг ушбу учрашув ёки шунга ўхшаш саволларига ҳеч нарсадан хабари йўқлигини маълум қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)