Андижонда фуқарони катта пулга алдаб кетган Туркия фуқаросига нисбатан жиноий иш очилди

Андижон шаҳрида фуқарони катта пулга чув тушириб кетган хориж фуқароси қўлга олинди.

Аниқланишича, Наманган вилояти, Тўрақўрғон туманида фаолият кўрсатаётган «Дилрабо СДА» ишлаб чиқариш корхонаси раҳбари М.С.нинг жуда кўп миқдордаги маблағларини Б.С. алдов йўли билан қўлга киритгани ҳақидаги мурожаати юзасидан 2022 йил 22 февралда Жиноят кодексининг 168-моддаси 4-қисми «а» банди билан жиноят иши қўзғатилиб, Андижон шаҳар ИИО ФМБ ҳузуридаги Тергов бўлими томонидан дастлабки тергов ҳаракатлари олиб борилган.

Тергов давомида фуқаро Б.С. иш бўйича айбланувчи тариқасида иштирок этишга жалб этилиб, унга нисбатан «қамоқ» эҳтиёт чораси қўлланилган ва жиноят иши айблов хулосаси билан 2022 йил 20 майда жиноят ишлари бўйича Андижон шаҳар судига юборилган.

Суд томонидан жиноят иши бўйича томонларнинг илтимосномасига биноан дастлабки эшитув ўтказилиб, жиноят иши Жиноят-процессуал кодексининг 405-2-405-3-моддалари тартибида айблов хулосасини тасдиқлаган Андижон шаҳар прокурорига қайтарилган.

Ҳозирда мазкур жиноят иши юзасидан дастлабки тергов ҳаракатлари олиб борилмоқда.

Жиноят иши бўйича тергов ҳаракатлари вилоят прокуратураси томонидан назоратга олинди.