Криштиану Роналду АПЛда янги мавсум бошланмасидан «Манчестер Юнайтед»ни тарк этмоқчи

Криштиану Роналду ҳамон «Манчестер Юнайтед»ни тарк этишни хоҳламоқда.

Португалиялик ҳужумчи манкунианликларнинг АПЛ 1-тур доирасидаги «Брайтон»га қарши ўйини олдидан жамоасини ўзгартириш истагида.

Бироқ агент Жорже Мендешнинг мижози учун янги жамоа топиш учун уринишлари кутилган натижани бермаяпти, дея хабар беради АS.

37 ёшли футболчига ҳеч бир жамоа аниқ қизиқиш билдирмаган. Мендешнинг рўйхатида «Барселона», «Атлетико», «Челси», «Бавария» ва «Наполи» каби жамоалар ўрин олган эди.

Манбага кўра, Роналду янги мавсумни «Манчестер Юнайтед» билан бошламайди.

Аввалроқ Криштиану «Райо Вальекано»га қарши ўртоқлик ўйинида иштирок этгани, бироқ ўйин тугамасданоқ стадионни тарк этгани хабар қилинганди.