Бухоро вилояти Ғиждувон туманида «Қорадори—2022» тезкор тадбири ўтказилиб, унда фуқаро томорқасида 25 туп каннабис етиштиргани аниқланди. Бу ҳақда вилоят ички ишлар бошқармаси хабар қилди.
Унга кўра, Ғиждувон тумани ИИБ ходимлари томонидан ўтказилган тезкор тадбир давомида туманнинг «Ростгўй» маҳалласида яшовчи Ж.Ж. исмли шахс ўзининг яшаш хонадонидаги томорқаси 15х20 метр ҳажмдаги ер майдонида 25 туп каннабис ўсимлигини қонунга хилоф равишда экиб, парваришлаб келаётгани аниқланди.
Мазкур ҳолат юзасидан Жиноят кодексининг 270-моддаси (тақиқланган экинларни етиштириш) 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)