Бугун,

  • USD 11095.31
  • RUB 173.84
  • EUR 10772.44

Косово ҳукумати Сербия билан чегарада вазиятнинг кескинлашувига сабаб бўлган, қисман тан олинган республика ҳудудида серб ҳужжатларининг амал қилишини тўхтатиш тўғрисидаги қонун қабул қилинишини 1 сентябргача кечиктириш ҳақидаги қарорини эълон қилди, деб ёзади «РБК».

Косово бош вазири Альбин Курти

Косово бош вазири Альбин Курти
Фото: EPA

Июль охирида Косово ҳукумати 1 августдан бошлаб унинг назорати остидаги ҳудудларда серб ҳужжатлари амал қилишдан тўхташини эълон қилганди. Косовога ташриф буюришни истаган сербларга мамлакатга киришда 90 кун муддатга вақтинчалик маълумотнома берилади. Бундан ташқари, Косовода серб рақамига эга автомобилларни RKS (Косово Республикаси) рақамлари билан мажбурий қайта рўйхатга олиш бошланади.

«Косово бош вазири Альбин Курти Америка ва европалик халқаро шериклар билан учрашувлар ўтказди. Чегарадаги вазият юзасидан Косово ҳукумати иккита қарорнинг ижро этилишини 2022 йил 29 июндан 2022 йил 1 сентябргача қолдириш мажбуриятини зиммасига олади, унгача барча баррикадалар олиб ташланади ва Косово шимолида ҳаракатланишга тўлиқ эркинлик ўрнатилади», — дейилади Косово ҳукумати баёнотида.

Унда, шунингдек, АҚШнинг Косоводаги элчиси Жефри Ховенига вазиятни тартибга солишга қўшган «катта ҳиссаси учун» миннатдорлик билдирилган.

31 июль куни кечқурун Приштинанинг серб ҳужжатларини тан олмаслик ҳақидаги қарори фонида Косово шимолида вазият кескинлашди, одамлар баррикадалар қура бошлади, ўқ овозлари эшитилди. Шунда Сербия президенти Александр Вучич Косово ярим тунга яқин косоволик сербларга қарши операция бошламоқчилигини айтди.

Вазият ёмонлашуви фонида Вучич Сербия Бош штабига етиб келди, Косово ҳукумати эса мамлакатнинг шимолий туманларида полицияни сафарбар этди.

Бош штабдаги йиғилиш якунларига кўра, Вучич халқаро ҳамжамиятни Косово ҳукуматига таъсир ўтказишга чақирди ва вазият тез орада ҳал бўлишига умид билдирди.

Илгари Косово Сербия таркибидаги мухтор республика бўлган, аммо 2008 йилда ўзини мустақил деб эълон қилган. Уни Евроиттифоқ мамлакатларининг аксарияти ва БМТга аъзо давлатларнинг юздан ортиғи тан олган. Россия, Хитой, Эрон, Сербия ва бошқа бир қатор мамлакатлар Косовони алоҳида давлат сифатида тан олмаган.

Изоҳ
Асосий янгиликлар
Маданият
Малика Диананинг кўйлаги Sotheby’s аукционида рекорд нархга сотилди
Молия
Ўзбекистондаги энг фаол банклар рейтинги янгиланди. Нималар ўзгарди?
Дунё
Покистонда масжиддаги портлаш қурбонлари сони қарийб 60 кишига етди (фото)