Бугун,

  • USD 11095.31
  • RUB 173.84
  • EUR 10772.44

Бизнесмен Илон Маск Twitter компаниясига нисбатан қарши даъво билан судга мурожаат қилди, деб ёзади Meduza.

Фото: Getty Images

Фото: Getty Images

Маскнинг адвокатлари даъвонинг тафсилотларини ошкор қилмасликка чақирди. Шу билан бирга, телеканал қайд этишича, суд қоидаларига кўра, бу ахборот бир қанча вақтдан кейин омма ихтиёрига ҳавола этилиши мумкин.

Twitter’нинг бизнесмендан ушбу компанияни сотиб олиш жараёнини охиригача етказиш талаби илгари сурилган даъвосини кўриб чиқишни суд 17 октябрга белгилаганидан кейин бир неча соат ўтиб, Илон Маск судга ўз даъвосини киритди.

Илон Маск Twitter сохта аккаунтлар ва спам-ботлар ҳақида маълумот тақдим этмагани учун, уни сотиб олиш ҳақидаги битимдан воз кечгани 9 июль куни маълум бўлди. Натижада 12 июлга келиб, Twitter акциялари 11 фоизга тушиб кетди.

ОАВларда Twitter судга даъво киритиши ҳақида хабарлар пайдо бўлгач, Маск ижтимоий тармоққа пост жойлаб, судлашув чоғида компания спам-ботлар ва фейк-аккаунтлар ҳақидаги маълумотларни фош қилишга мажбур бўлишини айтди.

Дунёнинг энг бой одами (унинг бойлиги Forbes маълумотлари бўйича 2022 йил апрели ҳолатига 219 миллиард долларни ташкил қилади) Маск апрель ойида ижтимоий тармоқни 44 миллиард долларга сотиб олмоқчи эди. Аммо кейинроқ сохта ва спам-аккаунтлар Twitter умумий фойдаланувчилари сонининг 5 фоиздан камроғини ташкил этиши ҳақидаги маълумотлар тасдиқлангунига қадар олти-сотди битимини тўхтатиб қўйди.

Апрель бошида Маск дастлаб Twitter’нинг 9,2 фоиз улушини сотиб олди ва энг йирик акциядорлардан бирига айланди, кейинроқ эса ижтимоий тармоқни сотиб олиш ниятини маълум қилди ва битта акция учун 54,20 доллардан таклиф қилди.

Reuters агентлиги Twitter’нинг 2 майдаги ҳисоботига таяниб, қалбаки аккаунтлар ва спам-ботлар кундалик фаол фойдаланувчиларнинг кўпи билан 5 фоизини ташкил этишини маълум қилганди.

Бироқ тадбиркор буни ўзи текшириб кўришга қарор қилди. 100 та тасодифий ҳисоб ёзувларини танлаб олиб, у фейк аккаунтлар барча фойдаланувчиларнинг камида 20 фоизини ташкил этади, деган хулосага келди.

Шундан кейин Twitter суд орқали Tesla ва SpaceX раҳбари Илон Маскдан ижтимоий тармоқни 44 миллиард долларга сотиб олиш бўйича битимни охирига етказишни талаб қилди, компания уни платформа ва унинг акциядорлари қаршисидаги мажбуриятларини бажаришдан бош тортишда айблади.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди