АҚШ ҳарбий-ҳаво кучлари НАТОнинг альянс шарқий қанотини ҳаводан қамраб олиш миссиясини қўллаб-қувватлаш мақсадида Польшага бешинчи авлод Boeing F-22 Raptor қирувчи самолётларини юбормоқда, дея маълум қилди Европадаги ҳарбий-ҳаво кучлари расмийлари. Бу ҳақда Пентагоннинг Stars and Stripes идоравий нашри хабар бермоқда.
Вашингтон маълумотларига кўра, Аляскада жойлашган 90-экспедиция отрядининг жангчилари ўтган кечада Англиядаги Лейкенхит ҳарбий-ҳаво кучлари базасига етиб келган. Кейинроқ улар «альянснинг шарқий қанотида Россия агрессиясини тўхтатиш миссияси»ни кучайтириш мақсадида Польшанинг Ласк шаҳри яқинидаги 32-тактик авиабазага жойлаштирилади.
F-22 Raptor душман самолётларига қарши курашиш, қўшинлар ва орқа объектларни ҳаво ҳужумларидан ҳимоя қилиш ва душман ҳаво разведкасига қарши туриш учун мўлжалланган.
Россиянинг Украинадаги босқини бошланиши фонида НАТО альянснинг шарқий қанотини мустаҳкамлаш имкониятлари ҳақида бир неча бор баёнот берган. Июнь ойи охирида НАТО Бош котиби Йенс Столтенберг келаси йилгача блокнинг жавоб кучлари сони 40 мингдан 300 минг кишигача оширилишини эълон қилди. Унга кўра, зарур ҳолларда кучларни жойлаштиришни тезлаштириш учун жанговар гуруҳларни кўпайтириш ва олдинга силжиш позицияларида ҳарбий техникани жойлаштириш ҳам режалаштирилган.
Кейинчалик, Мадридда бўлиб ўтган НАТО саммитида, бошқа қарорлар қаторида, альянсга аъзо давлатлар янги стратегик концепцияни қабул қилди, унда Россия хавфсизликка асосий таҳдид сифатида қай этилган.
Изоҳ (0)