«Биз ‘яшил ривожланиш’ бўйича дунёнинг етакчи минтақаларидан анча орқадамиз» – Шавкат Мирзиёев

Ўзбекистон Республикаси президенти Марказий Осиё давлатлари раҳбарларининг тўртинчи маслаҳат учрашувида нутқ сўзлади.

«Ўзбекистон ташаббуси билан БМТ Бош Ассамблеясининг яқинда қабул қилинган Марказий ва Жанубий Осиёнинг ўзаро боғлиқлигини мустаҳкамлаш бўйича махсус резолюциясини қўллаб-қувватлаганингиз учун сизга миннатдорлик билдираман.

Ушбу ташаббусни ишлаб чиқишда биз Ҳиндистон, Покистон ва Хитой бозорларига чиқиш учун муқобил транспорт йўлакларини илгари суриш бўйича «йўл харитаси»ни ишлаб чиқишни муҳим деб биламиз.

Мен ҳамкасбларимнинг озиқ-овқат хавфсизлигини таъминлаш чора-тадбирлари тўғрисидаги таклифларини қўллаб-қувватлайман.

Шу нуқтайи назардан, мамлакатимизда етарли ҳажмда ишлаб чиқарилаётган аҳолини кенг ассортиментдаги озиқ-овқат маҳсулотлари билан кафолатли таъминлашнинг Комплекс схемасини биргаликда ишлаб чиқишни муҳим деб биламан.

Булар, биринчи навбатда, дон, ем-хашак экинлари, янги ҳамда қайта ишланган мева-сабзавотлар, гўшт ва сут маҳсулотлари ва бошқалар.

Бу масалаларда, биринчи навбатда, Марказий Осиё минтақасининг умумий манфаатларидан келиб чиққан ҳолда тизимли ишларни йўлга қўйишимиз керак.

Иккинчи йўналиш – экологик йўналишдаги кўп томонлама ҳамкорлик.

Ушбу дастур доирасида биз қуйидаги масалаларга эътибор қаратишни таклиф қиламиз:

• иқтисодиётни карбонсизлантириш бўйича халқаро мажбуриятларни бажариш;
• электр энергиясини ўзаро етказиб беришни ташкил этган ҳолда муқобил энергияни, биринчи навбатда, гидро, қуёш ва шамол энергиясини ишлаб чиқаришни илғор ривожлантириш;
• сувни тежовчи ва экологик тоза технологияларни кенг жорий этиш, шунингдек, сув ресурсларидан оқилона фойдаланиш.

Мамлакатларимизнинг узоқ муддатли истиқболда рақобатбардошлигини таъминлаш учун ҳукуматларга бугун қабул қилинган дастурни амалга ошириш бўйича «Аниқ ҳаракатлар режаси»ни тайёрлаш бўйича топшириқлар бериш зарур», – деди Шавкат Мирзиёев.