O‘zbekiston Respublikasi prezidenti Markaziy Osiyo davlatlari rahbarlarining to‘rtinchi maslahat uchrashuvida nutq so‘zladi.
“O‘zbekiston tashabbusi bilan BMT Bosh Assambleyasining yaqinda qabul qilingan Markaziy va Janubiy Osiyoning o‘zaro bog‘liqligini mustahkamlash bo‘yicha maxsus rezolyutsiyasini qo‘llab-quvvatlaganingiz uchun sizga minnatdorlik bildiraman.
Ushbu tashabbusni ishlab chiqishda biz Hindiston, Pokiston va Xitoy bozorlariga chiqish uchun muqobil transport yo‘laklarini ilgari surish bo‘yicha “yo‘l xaritasi”ni ishlab chiqishni muhim deb bilamiz.
Men hamkasblarimning oziq-ovqat xavfsizligini ta’minlash chora-tadbirlari to‘g‘risidagi takliflarini qo‘llab-quvvatlayman.
Shu nuqtayi nazardan, mamlakatimizda yetarli hajmda ishlab chiqarilayotgan aholini keng assortimentdagi oziq-ovqat mahsulotlari bilan kafolatli ta’minlashning Kompleks sxemasini birgalikda ishlab chiqishni muhim deb bilaman.
Bular, birinchi navbatda, don, yem-xashak ekinlari, yangi hamda qayta ishlangan meva-sabzavotlar, go‘sht va sut mahsulotlari va boshqalar.
Bu masalalarda, birinchi navbatda, Markaziy Osiyo mintaqasining umumiy manfaatlaridan kelib chiqqan holda tizimli ishlarni yo‘lga qo‘yishimiz kerak.
Ikkinchi yo‘nalish – ekologik yo‘nalishdagi ko‘p tomonlama hamkorlik.
Ushbu dastur doirasida biz quyidagi masalalarga e’tibor qaratishni taklif qilamiz:
- iqtisodiyotni karbonsizlantirish bo‘yicha xalqaro majburiyatlarni bajarish;
- elektr energiyasini o‘zaro yetkazib berishni tashkil etgan holda muqobil energiyani, birinchi navbatda, gidro, quyosh va shamol energiyasini ishlab chiqarishni ilg‘or rivojlantirish;
- suvni tejovchi va ekologik toza texnologiyalarni keng joriy etish, shuningdek, suv resurslaridan oqilona foydalanish.
Mamlakatlarimizning uzoq muddatli istiqbolda raqobatbardoshligini ta’minlash uchun hukumatlarga bugun qabul qilingan dasturni amalga oshirish bo‘yicha “Aniq harakatlar rejasi”ni tayyorlash bo‘yicha topshiriqlar berish zarur”, – dedi Shavkat Mirziyoyev.
Izoh (0)