Андижон вилояти Булоқбоши туманида ноқонуний диний таълим бериш билан шуғулланиб келган фуқаро қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, вилояти ИИБ терроризм ва экстремизмга қарши курашиш бошқармаси ҳамда бошқа ҳуқуқни муҳофаза қилувчи органлар томонидан тезкор тадбир ўтказилган. Жараён давомида Булоқбоши тумани фуқароси А.И. яшаш хонадонида диний билимга ва тегишли рухсатномага эга бўлмагани аниқланган. Фуқаро 500 минг сўм пул маблағлар эвазига 2020 йилдан буён Қуръони карим ва Муаллими Соний китобларидан жами 27 нафар Ўзбекистон ва Қирғизистон Республикасида яшовчи вояга етмаган болаларга диний таълимдан сабоқ бериб келаётгани аниқланган.
Шунингдек, олиб борилган тезкор суриштирув тадбирлари давомида А.И. диний таълимдан сабоқ бериши жараёнида вояга етмаган болаларни уриб тан жароҳати етказганлик ҳолати аниқланган. Мазкур ҳолатга асосан ҳозирда терговга қадар суриштирув тадбирлари олиб борилмоқда.
Изоҳ (0)