Бухоро вилояти Жондор туманида ўтказилган тезкор профилактик тадбирда фирибгарлик ҳолатлари фош этилди, деб хабар беради Ички ишлар вазирлиги.
Қайд этилишича, фуқаро О.Т. ўзганинг мулкини алдаш ёки ишончини суиистеъмол қилиш йўли билан талон-торож қилиш мақсадида Жондор тумани «Шўробод» МФЙ Янгиҳаёт қишлоғи ҳудудида жойлашган «Настарин» ресторани олдида таниши О.Ш.нинг бошқа бир таниши Х.Б.га тегишли бўлган «ВАЗ-2106» автомашинасининг транспорт воситасини қайд этиш гувоҳномасидаги двигатель рақамини рақамсиз қилиб беришни ваъда қилган. Уни алдаб, ишончига кириб, О.Ш.дан кимёвий ишлов берилган 3 миллион сўм миқдоридаги пулларни олиш вақтида тегишли тартибда расмийлаштириб олинган.
Бундан ташқари, у ўзининг жиноий ҳаракатларини такроран давом эттириб, юқоридаги манзил олдида фуқаро М.Х.га ҳайдовчилик гувоҳномаси олиш учун бўлиб ўтадиган назарий ва амалий имтиҳондан ўтказиб беришни ваъда қилиб, унинг ҳам ишончига кириб, ундан кимёвий ишлов берилган 200 долларни олиш вақтида тегишли тартибда ҳужжатлаштирилиб олинган.
Ҳолатлар юзасидан фуқаро О.Т.га нисбатан Жиноят кодексининг 168-моддаси (фирибгарлик) 1 ва 3-қисми «б» банди билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)