Хоразмда ер майдони ҳақидаги маълумотномани пул эвазига олиб бермоқчи бўлган шахс ушланди

Хоразм вилоятида маълумотнома олиб бермоқчи бўлган мутахассис ушланди.

Бош прокуратура ҳузуридаги департамент ҳамда ДХХнинг Хоразм вилояти бошқармалари томонидан тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилган.

Унда «Архитектура-режалаштириш бюроси» ДУКнинг Урганч шаҳри бўйича мутахассиси У.А. «А.Г.» МЧЖ раҳбари Ж.га Ёшлар меҳнат гузари қуриш учун ажратилган ер майдони бўйича шаҳар ҳокими қарори ўз кучида экани тўғрисидаги маълумотномани танишлари ёрдамида олиб бериш эвазига 500 АҚШ доллари олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.