Фарғоналик фуқарони алдаб, пулларини қўлга киритган 8-синф ўқувчиси аниқланди. Бу ҳақда Постда хабар қилди.
Қайд этилишича, Фарғона вилоятида яшовчи Д.И. (1991 йилда туғилган) ички ишлар органига ариза билан мурожаат қилиб, фирибгар томонидан пулларидан айрилганини маълум қилган. Жабрланувчининг билдиришича, номаълум шахс Telegram мессенжери орқали унга «Омад шоу» дастурида пул ютуғини ютиб олгани тўғрисида хабар юборган. Унинг ишончига кириб, ютуқ пулларини банк пластик картасига ўтказиб беришини айтган. Ўз навбатида фуқаро унга ўз пластик рақами маълумотларини берган. Бироз ўтиб пластик картасидаги бир миллион сўмга яқин пуллар ечиб олинган.
Олиб борилган тезкор-қидирув тадбирлари давомида ушбу жиноятни Андижон вилоятида яшовчи 8-синф ўқувчиси О.Х. (2007 йилда туғилган) содир этгани аниқланиб, қўлга олинган. Ўрганишлар натижасида О.Х. шу усул билан ўнлаб фуқарони алдаб, пулларини қўлга киритгани, жиноий йўл билан топган пулларни эса PUBG онлайн ўйинига тикиб, сарфлаганлиги маълум бўлган.
Ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари олиб борилган.
Мавзуга доир:
- Чирчиқда тадбиркорнинг 33 минг долларини қўлга киритиб, уни тотализаторда ютқазиб қўйган шахсга жиноий иш очилди
- Тошкентда Ўзбекистон президенти ва ССВ номидан фейк хабарларни тарқатган 22 ёшли йигит қўлга олинди
- Тошкент вилоятида Telegram орқали ўзганинг пластик картасидан 2,5 млн сўм ечиб олган 10-синф ўқувчиси ушланди
Изоҳ (0)