Серж Гнабри «Бавария» билан шартномасини узайтирди. Бу ҳақида Мюнхен клуби расмий сайти хабар бермоқда.
Вингер мюнхенликлар билан 2026 йилга қадар мўлжалланган шартнома имзолади.
Гнабри «Арсенал» тарбияланувчиси ҳисобланади. Немис футболчиси фаолияти давомида «Арсенал», «Вест Бромвич», «Вердер», «Ҳоффенҳайм» таркибида тўп сурган. 2017 йилдан буён «Бавария» шарафини ҳимоя қилиб келади.
Серж ортда қолган мавсумда барча мусобақаларда 45 та ўйинда иштирок этиб, 17 та гол ва 7 та голли узатмага муаллифлик қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)