Расман: «Бавария» Роберт Левандовскининг «Барселона»га ўтганини тасдиқлади

«Бавария» ҳужумчиси Роберт Левандовски «Барселона»га ўтди.

Немис жамоаси польшалик ҳужумчи трансфери борасида келишувга эришганини маълум қилди.

Каталония клуби Левандовски учун 45 миллион евро ва қўшимча 5 миллион бонус сифатида тўлаб бериши кутилмоқда.

Роберт 8 йил давомида «Бавария» шарафини ҳимоя қилиб келди. Ҳужумчи 2014 йилда «Боруссия Д» сафидан Мюнхен жамоасига келиб қўшилган эди.

Левандовски «Бавария» билан бирга 8 марта Бундеслига чемпионлиги, 3 марта Германия Кубоги, 5 марта Германия Суперкубогини қўлга киритган. 2019/20 йилги мавсумда эса Чемпионлар Лигасида зафар қучган.

Шунингдек, кетма-кет 5 мавсумдан буён Германия чемпионати тўпурари мақомини ҳеч кимга бермай келаётган эди.

Роберт Левандовски 8 мавсум давомида «Бавария» сафида 375 ўйинда 344 та гол ва 72 та голли узатмага муаллифлик қилган.