Ижтимоий тармоқларида «DAV бўлсанг, ярашаверади. Оддий бўлсанг, шолпиллаб қолади" сарлавҳали видеолавҳа тарқалди. Қашқадарё вилояти Ички ишлар бошқармаси ҳолатга муносабат билдирди.
Тарқалган хабарда айтилишича, Косон туман ҳокимлиги қаршисида туман ҳокимлигига тегишли автомашина қоидабузарлик қилиб 3.27 йўл белгиси таъсир доирасида тўхтаб турган.
Ҳолат юзасидан Lacetti 70 109 DAV давлат рақам белгили автомашина ҳайдовчиси С.Н.га нисбатан Маъмурий жавобгарлик тўғрисидаги кодекснинг 128-моддаси (ҳайдовчиларнинг транспорт воситаларини пиёдалар йўлкаларидан юргизиши, йўл белгилари ва йўл ҳаракатининг бошқа қоидалари талабларига риоя этмаслиги) 6-қисми билан маъмурий баённома расмийлаштирилган.
Изоҳ (0)