MasterCard дунёдаги йирик тўлов тизимларидан бири ҳисобланади. Ушбу халқаро карта деярли барча мамлакатларда қабул қилинади.
«Дарё» Ўзбекистоннинг барча банкларида MasterCard карта очиш, хизмат кўрсатиш тарифлари, банк танлашда нималарга аҳамият бериш кераклиги ва уларнинг нархи ҳақида сўз юритади.
MasterCard карталари — халқаро тўлов тизимларида қўлланиладиган халқаро карта ҳисобланади.
Масалан, UzCard ва Humo карталари орқали халқаро интернет-дўконларга тўлов қилиш имконияти деярли ёқ (кобейжинг карталар бундан мустасно).
Халқаро карталар орқали эса App Store, Google Play ва Amazon каби дўконларга тўловларни амалга ошириш мумкин.
Дунёда яна бир кенг фойдаланиладиган карталардан бир бу — Visa.
Visa ва Mastercard ўртасидаги энг катта карталар ўз тўлов тармоғида ишлашидадир. Visa картаси Mastercard тармоғида ишламайди ва аксинча.
MasterCard’нинг қандай турлари бор?
Ўзбекистонда MasterCard карталарининг Virtual, Standard, Gold ва Premium каби турлари мавжуд.
MasterCard Virtual электрон равишда очилади, шу сабабли уни терминалларда ёки банкоматларда ишлатиш мумкин эмас. Асосий афзаллик — расмийлаштиришнинг осонлиги ва паст тарифлардир.
Энг кенг тарқалган тур — MasterCard Standard. Унда хизмат кўрсатиш паст нархда ва кенг функционалликда бўлади.
Карта ёрдамида меҳмонхона хонасини брон қилиш, авиачипталарни харид қилиш кабиларни амалга ошириш мумкин.
Бу дунё бўйлаб MasterCard 3 хил бўлади:
- MasterCard Standard;
- MasterCard World;
- MasterCard World Elite.
Ўзбекистонда MasterCard World Elite фақат «Миллий банк»да мавжуд бўлиб, унинг нархи 700 минг сўм этиб белгиланган.
Бунда мижоз кўплаб қулайликларга эга бўлади. Мисол учун дунё бўйлаб аэропорт, ресторан, меҳмонхона, дўконлар тармоғи ва бошқа хизматлар учун қулайликлар.
Карта қандай очилади?
Деярли барча банкларда картани расмийлаштириш учун фақат паспорт ва пул талаб қилинади.
Аксарият ҳолларда банк офисига икки марта бориш талаб этилади: биринчисида — ариза ёзиб, ҳужжатлар тақдим этилади, иккинчиси — тайёр картани олиш учун.
Бундан ташқари, ҳозирда MasterCard карталарга онлайн буюртма бериш имконияти ҳам мавжуд. Бунда MasterCard очиш учун танланган банкнинг расмий сайтига кириш керак.
Банкларнинг тартиб-қоидаларидан келиб чиқиб, тайёр картани банк офисидан олиб кетиш ёки етказиб бериш хизматидан фойдаланиш мумкин.
Карта 2−3 йилга амал қилади. Ушбу даврдан сўнг, банк картани бепул қайта чиқаради.
Шу билан бирга, халқаро картани очиш ва ундан фойдаланиш учун банкка комиссия тўлаш керак бўлади :
- карта турига қараб нархлар — 700 минг сўмгача;
- картадан фойдаланган ҳолда тўловларни амалга оширишда комиссиялар ҳар бир транзакция суммасининг 1 фоизигача ечиб олинади.
Ўзбекистон бўйлаб «Равнақ банк», «Миллий банк», «Ориент финанс банк», «Асакабанк» ва «Анор банк»да айрим турдаги MasterCard карталарини очиш бепул.
Карта очиш учун банкни қандай танлаш керак?
Аввало тарифларга эътибор бериш керак — нархи, нақд пул олиш ва товарлар учун комиссия, минимал қолдиқ миқдори ва бошқалар.
Банкларнинг сайтларида нафақат банк филиаллари, балки банкоматлар жойлашган манзиллар ҳам кўрсатилган. Уларга эътибор бериш керак.
Бунга сабаб — карта чиқарилган банк банкоматларидагина пулни бепул ечиш мумкин. Агар бошқа банкда нақд пул олинса, иккала банк ҳам комиссия ечиб олади.
Шунингдек, ҳамма банкларда халқаро карталарга хизмат кўрсатиш турлича бўлади.
«Банк хизматлари» сайти орқали қулай банк ва карта турини танлаш имконияти бор.
Кейинги мақолаларда UnionPay ва кобейжинг карталари ҳақида тўлиқ маълумотлар берилади.
Аввалроқ Ўзбекистонда Visa карта очиш жараёни ҳақида маълум қилинган эди.
Изоҳ (0)