«Наполи» ҳужумчиси Виктор Осимҳен фаолиятини Бундеслигада давом эттириши мумкин.
Corriere dello Sport нашри хабарига кўра, Роберт Левандовскининг кетиши мумкинлиги сабабли «Бавария» 2021/22 йилги мавсумда А Серия доирасида неаполликларнинг тўпурари бўлган ҳужумчига қизиқмоқда.
Клублар эҳтимолий трансферни муҳокама қилган. Италия клуби президенти Аурелио Де Лаурентиснинг таъкидлашича, нигериялик футболчи учун камида 110 миллион евро тўланиши керак.
Немис матбуотида «Бавария» Осимҳен учун жами 120 миллион евро сарфламоқчи эканлиги хабар қилинган.
Маълумот учун, 23 ёшли форвард бунгача «Вольфсбург» сафида Германия чемпионатида тўп сурган. У А Сериянинг 2021/22 йилги мавсумида 27 ўйинда майдонга тушиб, 14 та гол ва 2 та голга муаллифлик қилди.
Изоҳ (0)